రిచా పనాయ్, అవకాశాలను వెతుకుంటూ దక్షిణాదికి వచ్చిన సరి కొత్త ఉత్తరాది అందం. ఢిల్లీ యునివర్సిటీ లో చదువు పూర్తీ చేసి మోడల్ గా కెరీర్ మొదలుపెట్టిన పనాయ్ ను హీరోయిన్ గా మార్చేసింది మల్లువుడ్. అక్కడ నాలుగు సినిమాలు పూర్తిచేసుకుని షాపింగ్ మాల్స్ ఓపెన్ చేసే రేంజ్ కి ఎదిగింది. కంటికి ఆనే అందంతో పాటు కొంచెం పాపులారిటీ కూడా కూడగట్టుకోవటంతో అవకశాలు కేరళ దాటి ఆంధ్రలో మొదలయ్యాయి.
అలా అదృష్టమో..దురదృష్టమో....మొత్తానికి అల్లరి నరేష్ తోడుగా 'యముడికి మొగుడు'సినిమాతో తెలుగు తెర ఫై కాలు మోపటానికి త్వరలో సిద్దం అవుతుంది. ఏంతో ఉత్సాహంగా తెలుగు సినిమా లోకంలోనికి అడుగుపెట్టిన రిచా కు కలిసివచ్చిన అదృష్టం ఏమిటంటే మొదటి సినిమాలోనే మంచి పాత్ర(యమధర్మరాజు కూతురు) దక్కటం. అలానే ఆ పాత్ర స్వభావరీత్యా గ్రాంధికం మాట్లాడాల్సిఉన్నప్పటికీ తానే స్వయంగా డబ్బింగ్ చెప్పుకోవటానికి సిద్డంకావటం ఆమె ఆత్మవిశ్వాసానికి ప్రతీక, చేసే పనిపట్ల నిబద్దతకు నిదర్శనం.
కాకపోతే ఇక్కడ వచ్చిన చిక్కేమిటంటే ఇంత కష్టపడుతున్న ఈ అమ్మడి భవిష్యత్తు రేపు ఎలా ఉంటుందా .... అని. ఎందుకంటే నరేష్ ట్రాక్ రికార్డ్ ప్రకారం .... అందుబాటులో ఉన్న సమాచారం ప్రకారం..... అతనితో నటించిన ఏ ఒక్క కొత్తమ్మాయి టాప్ రేంజ్ కి వెళ్ళిన దాఖలాలు లేవు. హిట్లు , ప్లాపులతో సంబంధం లేకుండా సినిమాకో అమ్మాయి చొప్పున సిడి లకు, టివి లకు పరిమితం చేస్తూ చరిత్రలో కలిపేస్తున్నాడు. ఇలా నిరాటంకంగా కొనసాగుతున్న ఈ నిర్దాక్షిణ్య ఒరవడికి రిచా పనాయ్ అన్నా అడ్డుకట్ట వేసి కొత్త ట్రెండ్ కు శ్రీకారం చుడుతుందో... లేక తానూ ఆ పరంపరలో ఓ పుటగా మిగిలిపోతుందో... వచ్చే నవంబర్ నెల తేల్చనుంది.
Have a Look on Richa Panai Eye Catching Gallery .....
No comments:
Post a Comment