విక్టరీ వెంకటేష్ , మెహర్ రమేష్ కలయికలో త్వరలో రాబోతున్న చిత్రం 'షాడో'. ఎవరు ఊహించని ఈ కాంబినేషన్ నుండి వచ్చే ఈ సినిమా ఎలా ఉంటుందో ... అని ఆలోచిస్తున్న వారి ఊహలకందని రీతిలో 'షాడో' టీజర్ బయటకు వచ్చింది. బీభత్సమైన స్టైలిష్ గా ఉన్న ఈ టీజర్ 'బిల్లా'ను గుర్తుకుతెస్తుంది. షాడో పేరుకు సర్దకమన్నట్టు వెంకి చాలా వరకు బ్లాక్ డ్రెస్ తో నీడలా(షాడో) మాటున కనిపించాడు . లుక్ లో కొత్తదనం కనిపిస్తున్నప్పటికీ స్టైల్ మాత్రం వెంకి మార్క్ మేనరిజాన్ని దాటిపోలేదు.
సినిమా కధ ప్రకారం యాక్షన్ సన్నివేశాలు మెండుగా ఉన్నట్టు అనిపిస్తున్నాయి. అలానే వాటిని ఓ రేంజ్ లో చిత్రీకరించినట్టు ఈ టీజర్ లో కనపడుతుంది. తరవాత టీజర్ కు సంబంధించి రెండు విషయాలు ప్రధానంగా హై లైట్ గా కనిపిస్తున్నాయి. ఒకటి సర్వేశ్ మురారి సినిమాటోగ్రఫీ, రెండు తమన్ బ్యాక్ స్కోర్. ఈ రెండు అంశాలు సినిమా వెయిట్ ను తెలియ చేస్తున్నాయి. ఇక పొతే హీరోయిన్స్ కనిపించక పోవటం నిరుత్సాహపరుస్తుంది. అలానే టైటిల్స్ వచ్చే స్టైల్ గబ్బర్ సింగ్ సినిమాలో టైటిల్స్ వచ్చిన విధానాన్ని అనుకరించినట్టు ఉంది.
మొత్తంగా షాడో తొలిచూపు పసందుగానే ఉంది. కాని అరంభశురత్వాలు మెహెర్ రమేష్ కు కొత్త కాదు. ఇప్పటి వరకు వచ్చిన ఆయన సినిమాల ట్రైలర్స్ అన్ని దాదాపు సూపర్ హిట్టే. కాకపోతే సినిమాలే అంచనాలను తలకిందులు చేశాయి . మరి ఈ 'షాడో ' పరిస్థితి ఏంటి..? అనేది కాలమే నిర్ణయించాలి.
No comments:
Post a Comment