Onamalu Movie Review

హాస్య సినిమాల హీరోగా తెలుగు సిని ప్రేమికుల నవ్వుల సామ్రాజ్యాన్ని ఏలిన నటకిరీటి రాజేంద్ర ప్రసాద్ తనలో ఇంకా  ఇంకి పోకుండా  మిగిలిఉన్న నటన తృష్ణను తీర్చుకోవటానికి వైవిధ్యమైన పాత్రలలో నటిస్తూ  నేటి సమాజంలో అడుగంటి పోతున్న విలువలను జనానికి గుర్తు చేస్తున్నారు. అలాంటి  సమాజ శ్రేయస్సు కోరే కధంశంతో ఆయన ప్రధాన పాత్రలో రూపొందిన 'ఓనమాలు' చిత్రం ఈ వారం ప్రేక్షకుల ముందుకు వచ్చింది. సన్ షైన్ సినిమా బ్యానర్ ఫై నిర్మితమైన ఈ చిత్రంతో క్రాంతి మాధవ్ దర్శక నిర్మాతగా తెలుగు తెరకు పరిచయం అయ్యాడు. రాజేంద్ర ప్రసాద్ , కళ్యాణి జంటగా కనిపించగా చలపతిరావు,గిరిబాబు, రఘుబాబు  తదితరులు ప్రధాన పాత్రలలో కనిపించారు . కోటి సంగీతాన్ని అందించగా తెలుగుదనం ఉట్టిపడేలా సీతారామశాస్త్రి సాహిత్యాన్ని కూర్చారు.

నిర్మాత కొత్తవాడు కావటం తో ఈ సినిమా ప్రస్తుతం తెలుగు సిని పరిశ్రమలో చిన్న సినిమాలు ఎదుర్కుంటున్న అన్ని కష్టాలను ఓనమాలు గా దిద్ది అనుభవం సంపాయించి మొత్తానికి విడుదల అయ్యింది. ఆ నలుగురు సినిమా తరవాత స్పూర్తి కలిగించే పాత్రలలో నటిస్తూ మెప్పిస్తున్న నటకిరీటి ఈ చిత్రంలో నారాయణ రావు మాస్టర్ గా ఓ సందేశాన్ని ప్రేక్షకుల చేత ఓనమాలు గా దిద్దించే ప్రయత్నం చేసాడు. మరి ఆ సందేశం సిని ప్రియులను  ఏ  మేరా ఆకట్టుకోగాలిగిందో......మన సమీక్షలో చూద్దాం .

కధ :

ఎన్నో ఏళ్లుగా అమెరికాలో కొడుకు దగ్గర ఉంటున్న నారాయణ రావు (రాజేంద్ర ప్రసాద్) మాస్టర్ కు తాను పుట్టి పెరిగిన  పల్లెటూరు అంటే ఏంతో మమకారం. తీరికలేని యాంత్రికమైన జీవితాలతో కృత్రిమమైన ఆనందాలను అనుభవిస్తున్న కొడుకుకు మాస్టర్ ను సొంతూరుకు తీసుకు వెళ్ళే సమయం చిక్కదు. కొడుకును అడిగి... అడిగి.... విసిగి పోయిన మాస్టారు చివరికి చెప్పా పెట్టకుండా అమెరిక నుండి ఇండియా వచ్చేస్తాడు.

 హైదరాబాద్ నుండి తన గ్రామానికి పయనమైన మాస్టారు ఆ ఊరితో తనకున్న అనుబంధాన్ని, అక్కడి పరిసరాలతో తనకున్న ఆప్యాయతను , ఊరి మనుషులతో తనకున్న అనురాగాన్ని, అవన్నీ ఇచ్చే స్వచ్చమైన ఆనందాన్ని జ్ఞాపకాలుగా  నేమరువేసుకుంటాడు.  జ్ఞాపకాలు ఇచ్చిన సంతోషంతో ఏంతో ఆశగా ఊళ్లోకి అడుగుపెట్టిన మాస్టారుకు అన్ని చెడు అనుభవాలు ఎదురవుతాయి.

ఒకప్పుడు తానూ ఉన్న ఊరికి  ఇప్పుడున్న ఊరికి చాలా తేడా కనిపిస్తుంది. ఒకప్పటి ఆప్యాయత , అనురాగాల స్థానంలో స్వార్ధం, నిర్లక్ష్యం చేరి ఊరిని జీవచ్చవంలా తయారుచేస్తాయి. వీటన్నిటిని గమనించిన మాస్టారు ఊరి బాగు కోసం ఏమి చేసారు అన్నది మిగిలిన కధ .

 విశ్లేషణ :

తెలుగు నేర్చుకోవటం ఓనమాలు తో మొదలవుతుంది. దేశ ప్రగతికి గ్రామాలే పట్టుకోమ్మలన్నారు పెద్దలు, నిజమైన దేశాభివృద్ధి గ్రామస్వరాజ్యంలో ఉంది అని నినాదించారు మహాత్మా గాంధీ .  అలాంటి దేశ ఎదుగుదలకు 'ఓనమాలు' లాంటి గ్రామాలూ వీపరిత దోరణలకు దారి తీస్తున్న సాంకేతికాభివృద్ది , ప్రపంచాన్ని కుగ్రామంగా మార్చేసిన గ్లోబలైజేషన్ కారణంగా ఏవిధంగా తమ ఉనికిని కోల్పోతున్నయ్యో... 'ఓనమాలు' చిత్రం ద్వారా  హెచ్చరించే ప్రయత్నం చేసిన కధ  రచయత తమ్ముడు సత్యం, కొత్త దర్శక నిర్మాత క్రాంతి మాధవ్ అభినందనియ్యులు.

తోలి సారి ఓ చలన చిత్రాన్ని రూపొందించిన క్రాంతి మాధవ్ దర్శకుడు, నిర్మాతకు మద్య ఉండవలసిన సమన్వయాన్ని చక్కగా పాటిస్తూ ... ఓనమాలు చిత్రాన్ని కళాత్మకంగా తీర్చిదిద్దాడు. దర్శకుడిగా అయన చిత్రీకరించిన కొన్ని సన్నివేశాలు , వాటి కోసం వ్రాసిన మాటలు , ముఖ్యంగా పాటల చిత్రీకరణ  అయన ప్రతిభకు నిదర్శనాలు.  ' సూరీడు వచ్చిండు...' పాటలో సిరివెన్నెల గారి కలం చూసిన పల్లెటూరి అందాలను అంతే  అందంగా తెర  మీద ఆవిష్కరించాడు. మొత్తంగా దర్శకుడిగా పాసైన క్రాంతి మాధవ్ కధ  విషయం లో, దానికి జోడించిన స్కీన్ ప్లే విషయంలో కొంత అస్పష్టతను కలగజేసాడు.

నారాయణ రావు మాస్టారి అందమైన జ్ఞాపకాలు, చెదు  అనుభవాలు  పల్లెటూరితో అనుబంధం ఉండి సిటీలో జీవిస్తున్న ప్రతి ఒక్కరిని టచ్ చేస్తాయి. మొత్తంగా ఈ సినిమా నిన్నటి అందమైన జ్ఞాపకాల దొంతరలా .... నేటి సమాజంలోని రుగ్మతల సమహరంలా కన్పిస్తుంది. ఈ సినిమాలో కదిలించే సన్నివేశాలున్నాయి, ఆలోచింపచేసే సంఘటనలున్నాయి. అంటే ఏ  సన్నివేశానికి ఆ సన్నివేశం , ఏ  సంఘటనకు ఆ సంఘటన వేరు చేసి చూసుకుంటే బాగానే ఉంటాయి. కాని వాటిని పట్టి ఉంచే కధ గురించి ఆలోచిస్తే సినిమాలో ఉన్న అస్పష్టత అర్ధం అవుతుంది. దర్శకుడు అనుభవాలను పంచుకున్నట్టు ఉంటుదే  కాని కధ చెబుతున్నట్టు ఉండదు. అందులోను కొంత సందేసాత్మకమైన పాయింట్ కాబట్టి చాలా  చోట్ల బోర్ కొడుతుంది.

కధగా మాట్లాడుకుంటే దర్శకుడు ప్రేక్షకులకు వచ్చే చాలా  అనుమానాలను తీర్చవలసి ఉంది. ఊరు... ఊరు... అంటూ తపించిన నారాయణ రావు మాస్టారు ఊరికి ఏమి చేశాడు అని ఆలోచిస్తే ఆరాటపడటం తప్ప అయన పెద్దగా చేసింది ఏమి కనిపించదు. అయన చదువు చెప్పిన పిల్లల్లో ఒక్కడు కూడా సరైన ప్రయోజకుడు అయినట్టు కనిపించడు . ఫైగా అయన నేర్పిన సంస్కారం మూలంగా నిబ్బరంగా ఇబ్బందులను , కష్టాలను ఎదుర్కుంటూ దీనుల్లగా  బ్రతుకుతున్నాం అని గర్వంగా చెప్పుకుని తీరుగుతూ ఉంటారు.  ఇదె ఉందంటే మాస్టారు దగ్గర చదువుకున్నవాళ్ళు నీతి మంతులు , అలాంటి నీతిమంతులకు ఈ దేశంలో మంచి జరగదు అన్న ఫీలింగ్ కల్పించాడు. అంటే  కష్టపడి శ్రమ శక్తితో ఫై కి ఎదిగిన వాళ్ళు ఈ దేశంలో లేరనా అర్ధం. అలా కాదు అనుకుంటే ఏంతో  మందికి చదువు చెప్పిన మాస్టారు దృడ సంకల్పం కలిగిన ఒక్క స్టూడెంట్ ని తాయారు చేయలేకపోయాడా..?

అలా చదువు చెప్పటం మినహా మాస్టారు ఊరికి చేసిందేమీ లేదు. అలానే ఊళ్లోవాళ్ళ  సంగతి సరే అమెరికాలో ఉంటున్న సొంత కొడుక్కే సొంత ఊరి మీద మమకారం కలిగించలేక పోయాడు... అలాంటిది ఊళ్ళో ఉంటున్నోళ్ళు ... ఊరు వదిలి వెళ్ళినోళ్ళు ఊరి గురించి పట్టించుకోవటంలేదని భాదపడటం ఎంతవరకు సమంజసం అనిపించుకుంటుంది.  అలానే క్లైమాక్స్ లో లాజిక్కు సంబంధం లేకుండా  చాలా  అంశాలను  సొంత ఊరు అనే అంశానికి మెలేసాడు. అదెలా ఉందంటే దర్శకుడికి,  రచయతకు ఓ రుగ్మత కనపడింది ... ఇక ఇప్పుడు జరుగుతున్నా ప్రతి తప్పును దానితో ముడిపెట్టేశారు. ఇలాంటి కొన్ని గమనించ గలిగే తప్పులు మూలంగా కొంత సినిమా చూస్తున్నప్పుడు అసంతృప్తి కలుగుతుంది. కాకపోతే సినిమాలో  కొన్ని నిజాలు ఉన్నాయి వాటిని మనస్పూర్తిగా అభినందించాలి. 

ఈ సినిమాకు ప్రధానమైన హైలైట్ మాటలు. అర్ధవంతమైన, ఆలోచింపచేసే మాటలను చాలా  బాగా వ్రాశాడు ఖదీర్ బాబు. చివరిలో కంక్లుజన్ సరిగా లేక డైలాగులు పండలేదు...! అది మినహా చాలా చోట్ల సినిమాను కాపాడింది ఖదీర్ మాటలే...! కోటి సంగీతం వినసొంపుగా ఉంది. కాని ఆ పాటలకు విలువను తీసుకువచ్చింది మాత్రం సీతారామ  శాస్త్రి పదాలే ..! ప్రత్యేకంగా  'సూరీడు వచ్చిండు...' 'పండగంటే  ' పాటలను అయన చాలా అద్భుతంగా వ్రాశారు . హరి అనుమోలు కెమేర పనితనం గౌతమ్ రాజు ఎడిటింగ్ సినిమా కధకు తగ్గట్టు బాగున్నాయి.

మరోమారు నటకీరిటి వైవిధ్యమైన పాత్రలో కనిపించి శక్తి మేర నటించి మెప్పించాడు. అయన భార్యగా కళ్యాణి ఆకట్టుకుంది. చలపతి రావు, గిరిబాబు, రఘుబాబు, కొండవలస తదితరులు వారి పాత్రలకనుగుణంగా బాగానే చేశారు.

ప్లస్ పాయింట్స్:

ఖదీర్ బాబు మాటలు,'సూరీడు వచ్చిండు...'  'పండగంటే  ' పాటలు , రాజేంద్ర ప్రసాద్ నటన ప్రధానంగా ప్లస్ పాయింట్స్ .

మైనస్ పాయింట్స్:

స్పష్టత లేని కధ , కధనాలు .... వాటి మూలంగా కొన్ని సన్నివేశాలు పండక కలిగే బోర్..! చాల వరకు ఈ సినిమాకు మైనస్ పాయింట్స్.   

కోసమెరుపు :

ఎవరి సొంతూరుకు వాళ్ళు వెళ్లి అత్మీయులందరితో  కలిసి ఈ సినిమాను చూస్తే చాలా వరకు బాగుంటుది. ఎందుకంటే మన ఊరితో మనకున్న ఆనందాన్ని నెమరేసుకోవచ్చు. అలా కాకుండా సినిమాగా చూడాలనుకుంటే మాత్రం నిరాశ పడే అవకాశం ఉంది జాగ్రత్త..!          


Maruthi Talkies Rating : 2.5 Out Of 5

   

Uu Kodatara Ulikki Padatara Movie Review

పట్టు వదలని విక్రమార్కుడికి కజిన్ బ్రదర్ అని అనిపించుకోవాలని పట్టు వదలకుండా ప్రయోగాలు  చేస్తున్న రా 'కింగ్ ' స్టార్ మంచు మనోజ్ తాజాగా సినిమా చూపిస్తాను 'ఊ కొడతారా ... ఉలిక్కి పడతారా ' అంటూ దియేటర్ లకు వచ్చాడు. పద్మశ్రీ మోహన బాబు సమర్పణలో మంచు ఎంటర్ టైన్మెంట్స్  పతాకం ఫై మంచు లక్ష్మి ప్రసన్న నిర్మించిన ఈ చిత్రం తో శేఖర్ రాజా దర్శకుడిగా పరిచయం అయ్యాడు. నటసింహ బాలకృష్ణ ప్రధాన పాత్రలో నటించిన ఈ సినిమాలో మనోజ్ తో దీక్ష సేథ్  జోడి కట్టగా  ప్రభు , సుహాసిని, సాయికుమార్, లక్ష్మి ప్రసన్న తదితరులు ఇతర ముఖ్య పాత్రలలో కనిపించారు. బాబో శశి సంగీతాన్ని అందించాడు.

వరస పరాజయాలతో సతమతమవుతున్న మంచు ఫ్యామిలి పూర్వవైభవాన్ని సాధించటానికి ఎంతో కష్టపడి రూపొందించిన ఈ చిత్రం కొద్దిగా కొత్తగా కనిపించి  ప్రేక్షకులలో ఆసక్తి కలిగించింది. అందుకు ప్రధాన కారణం బాలయ్య చాలా  కాలం  తరవాత అతిధి పాత్రలో కనిపించటం అయితే ... ఇతర కారణాలు  వెరైటి గా అనిపిస్తున్న కధాంశం... విభిన్నంగా కనిపిస్తున్న మనోజ్ పాత్ర. ఇవన్నీ కలిసి సినిమా మీద ఓ మోస్తరు అంచనాను తెగలిగాయి. కాని తింటే గాని రుచి చెప్పలేం అన్నట్టు చుస్తే గాని మనోజ్ సినిమాల గురించి  చెప్పలేం అని పబ్లిక్ టాక్.. ! ఎందుకంటే మనోజ్ గత సినిమాల ట్రైలర్స్ అన్ని సూపర్ హిట్టే, కాకపోతే  పూర్తీ సినిమాలే అంచనాలను తారుమారు చేసాయి . మరి ఈ సినిమా అన్నా ప్రేక్షకులను ఉత్సాహ పరిచిందో...లేక ఊసురనిపించిందో..మన సమీక్షలో చూద్దాం.

కధ ;

తరతరాల పటిష్టమైన చరిత్ర కలిగిన రుద్రమనేని వంశస్తులకు వారు నివసించే గందర్వ మహల్ అంటే ప్రత్యేకమైన అభిమానం, గౌరవం.  అలాంటి  గొప్పతనాన్ని సంతరించుకున్న ఆ మహల్  లో రుద్రమనేని వంశస్తుడైన నరసింహ రాయడు (బాలకృష్ణ) హయం లో తలెత్తిన వీపరితలు, వాటి పరిణామాలు ఆ భవంతిని భూతాల  గృహంగా ప్రచారంలోకి తెస్తాయి. దాంతో నరసింహ రాయుడి తరవాతి తరం అనేక ఇబ్బందులు పడుతూ ఉంటుంది. ఆ కష్టాల నుండి వారిని బయట పడేయటానికి నరసింహ రాయుడి వద్ద గుమస్తాగా పనిచేసిన శేషయ్య మనవడు మనోజ్ పూనుకుంటాడు. ఆలా గందర్వ మహల్ కు వచ్చిన మనోజ్ అక్కడి పరిస్థితులను అవగతం చేసుకుని వాటిని నరసింహ రాయుడి ఆత్మ సాయంతో ఎలా పరిష్కరించ గలిగాడు అన్నది  కధ .

విశ్లేషణ : 

అయ్యింది..... అనుకున్నంత అయ్యింది. అందరు అనుమానించి నట్టే మనోజ్ మరోసారి ప్రయోగం అంటూ ఊరించి... ఊరించి... ఊసురమనిపించాడు. ఈ సినిమాను డ్రీం ప్రాజెక్ట్ గా చెప్పుకున్న మనోజ్ అభిరుచి ఇంత నాసిరకంగా ఉంటుందా.. అని వాపోవాల్సివస్తుంది సినిమా చూసిన తరవాత....! అలాగే ఇదేదో డార్క్ కామెడీ అనే కొత్త తరహ సినిమా అని,ఇలాంటిది మన తెలుగులో మొదటిది అని గొప్పగా చెప్పు కొచ్చారు కదా అని సినిమాను పరిశీలనగా చూస్తే ... ఆ కొత్తదనం , ఫ్రెష్ నెస్ అనే మాటలను అంతు చిక్కని 'డార్క్ ' లో వెతుకుతున్నమేమో ... !అన్న ఫీలింగ్ కలుగుతుంది. ఇలాంటి రొటీన్ ఫక్తు బోరింగ్ కధ కోసం కొత్త దర్శకుడు శేఖర్ రాజా 4 సంవత్సరాలు కష్టపడ్డాడంటే అతన్ని ఏ విధంగా ప్రశంసించాలో అర్ధంకాని పరిస్థితి. అలానే ఈ సినిమా కోసం నోరు కొట్టుకుని... కండలు కరిగించి... కుటుంబానికి , సమాజానికి దూరంగా ఉంటూ ... ఈ సినిమాయే లోకంగా రెండు సంవత్సరాలు శ్రమటోడ్చిన మనోజ్ ను  తలచుకుంటుంటే గుండె తరుక్కు పోతుంది.... జాలేస్తుంది. కాని ఇందులో వాళ్ళను  తప్పుపట్టటానికి లేదు..! వాళ్ళకేం తెలుసో... వాళ్ళకేం వచ్చో... అదే చేసి చూపించారు. మనోజ్ సినిమాలంటే ఇలాగే ఉంటాయని తెలిసి కూడా ఈసారన్న కొత్తగా ఎమన్నా చూపిస్తాడేమో అని ఆశతో కూడిన అపోహపడి సినిమా చూడటానికి వచ్చిన వాళ్ళదే తప్పు అవుతుంది తప్ప వారిది మాత్రం కాదు.

ఈ మద్య ఆధునిక సాంకేతికతను ఉపయోగించి సినిమాలను వినూత్నంగా ప్రచారం చేస్తున్నారు.... అంత మాత్రానికే సినిమా గొప్పగా ఉంటుంది అని ఊహించుకోకూడదు. అసలు సంగతి సినిమా చూసేప్పుడు కదా తెలిసేది.  ఈ ఊ...కో...ఊ...ప... ట్రైలర్ లో మనోజ్ వింత , వింత గెటప్పులు భయంకరమైన రూపు చూసి ఏదో ఊహించుకుని దియేటర్ కు వచ్చిన ప్రేక్షకులు మనోజ్ వేసిన వేషాలు ఒక పాటకు మాత్రమే పరిమితం అని ... కధతో ఆ గెటప్పులకు సంబంధంలేదని తెలుసుకుని వీపరితంగా డీలా పడిపోతారు. అందున ఆ పాట మొదటి పాట కావడంతో పాట  పూర్తవగానే సినిమా మీద తెలియని అసహనం మొదలవుతుంది. కాని బాలయ్య వస్తాడు అనే ఆశ కూసంత ఉత్సాహాన్ని నిలిపి ఉంచుతుంది. అలానే బాలయ్య వచ్చాక ఆ ఉత్సాహానికి కొంత ఊపు కూడా వస్తుంది. కాని ప్రేక్షకుల మీద దయలేని దర్శకుడు డల్  ఇంటర్వల్ తో ఆ ఉత్సాహాన్ని నీరుగార్చాడు. అది  మొదలు చివరి వరకు               
 వీలైనంత విసిగిస్తూ... అవసరం మేరా అసహనాన్ని కలిగిస్తూ .. చేతనైనంత చికాకు తెప్పిస్తూ  క్లైమాక్స్ లో కొంచెం ఊపిరిలూది రొటీన్ గా సినిమాను ముగించారు.

సినిమాలో అజయ్ పోషించిన మాంత్రికుడి పాత్ర గందర్వ మహల్ లో ఓ మంచి ఆత్మ, ఓ చెడు ఆత్మ ఉండటాన్ని గమనించి ఓ డైలాగ్ చెబుతుంది. 'ఈ మహల్ లో మంచి ఉంది... చెడు ఉంది... ఆ రెండు ఒకదానితో ఒకటి ఘర్షణ పడుతున్నాయి' అని. ఆ మాటలను అర్ధం చేసుకుని సినిమాకు స్క్రిప్ట్ వర్క్ చేసినట్టైతే తప్పక కొత్తదనం కనిపించేది. అలా కాకుండా ఆ అర్ధాన్ని కేవలం డైలాగ్ వరుకే పరిమితం చేసి దర్శకుడు  తన అసమర్ధతను చాటుకున్నాడు.అలానే బాలయ్య పాత్ర చాల బలమైనది.అలాంటి  పాత్ర ఓ పెద్ద సమస్యను ఎదుర్కుంటూ ప్రాణాలర్పించి ... తిరిగి  ఆ సమస్య తలెత్తకుండా ఆత్మ రూపం లో వచ్చుంటే బాగుండేది. అలా  కాకుండా ఓ సెంటిమెంట్ కోసం ఆత్మలా కనిపించటం ఆసక్తిని కలిగించలేక పోయింది. అంతే కాకుండా బాలయ్య టాలెంట్ ను సరిగా వినియోగించుకులేదు. పెద్దగా విశేషాలు లేని ఈ కధలో... కనిపించే తప్పులు లెక్కలేనన్ని... ఈ మాత్రం దానికి రెండు సంవత్సరాలు వెచ్చించాలా ....అన్నది ఎవరు తీర్చలేని సందేహం.

లక్ష్మి భూపాల్ మాటలు పర్వాలేదు కాని చాల చోట్ల శృతి మించాయి. రాజశేఖర్ సినిమాటోగ్రఫీ ఈ సినిమాకున్న పెద్ద అసెట్. మొత్తం సినిమాను ఏంతో  అందంగా చిత్రీకరించాడు. నిర్మాణాత్మక విలువలు ఉన్నతంగా ఉన్నాయి. గందర్వ మహల్ సెట్ ను అద్భుతంగా తీర్చిదిద్దారు. సాంకేతికంగా అన్ని విభాగాలు మంచి స్టాండర్డ్స్ తో పనిచేశాయి.

అభినయం : 

మనోజ్ నటన పరంగా కొంచెం కూడా వైవిధ్యాన్ని ప్రదర్శించక పోగా చాలా  నిరుత్సాహ పరిచాడు. విబిన్న గెటప్పుల్లో   కాని నటనలో మాత్రం రాణించలేదు. అతను చేసిన డాన్సులయితే అసలు నప్పలేదు. నటన తో పాటు యాక్షన్ సన్నివేశాలకు దర్శకత్వం వహించిన మనోజ్ ఆ సన్నివేశాలను చాలా చప్పగా చిత్రీకరించాడు. బాలయ్య మాత్రం సూపర్ ..! బాలయ్య పాత్ర పరిది మేరా అద్భుతమైన ఆహార్యంతో, పవర్ ఫుల్ డైలాగులతో అలరించాడు. తానూ కనిపించిన అన్ని సన్నివేశాలలోను పూర్తీ ఆధిపత్యాన్ని ప్రదర్శించాడు. సూను సూద్ బాడ్ బాయ్ గా మరో సారి ఆకట్టుకున్నాడు. లక్ష్మి ప్రసన్న నటనలో వైవిధ్యాన్ని ప్రదర్శించటానికి ప్రయత్నించింది.. కొంత వరకు పర్వాలేదు. కానీ సంభాషణ ఉచ్చారణ మాత్రం కొంత అసహనాన్ని కలిగిస్తుంది. దీక్ష సేథ్ ఎప్పటిలానే తన భయంకరమైన నటనతో జనాలను బెదరగోట్టింది. ఆమె నటన చూసి గాడ్ ...ఈమెకు నటనైనా నేర్పించండి లేదా... సినిమాలన్న మాన్పించండి...అని గట్టిగా అరవాలనిపిస్తుంది.   ప్రభు బాగా నటించాడు. సాయి కుమార్, సుహాసిని సహా మిగత నటులు వారి పాత్రాలకనుగుణంగా బాగా నటించారు.

ప్లస్ పాయింట్స్:

గందర్వ మహల్ సెట్, సినిమాటోగ్రఫీ సహా అన్ని సాంకేతిక విభాగాల పనితనం , బాలయ్య నటన ప్రధానంగా ఈ సినిమాకు ప్లస్ పాయింట్స్.

మైనస్ పాయింట్స్ :

నిరుత్సాహ పరిచిన మనోజ్, రొటీన్ కధ , బోరింగ్ కధనం , విశేషం లేని క్లైమాక్స్ ప్రధానంగా మైనస్ పాయింట్స్.

కొసమెరుపు;

సినిమా  ప్రచార చిత్రాలను చూపించి .. ఊ ..కొట్టించిన మనోజ్ పూర్తీ సినిమా చూపించి జనాలను ఊసురనిపించాడు. ఆరుంధతి,  చంద్రముఖి వంటి సినిమాలతో పోల్చారు కాని ఈ సినిమా వాటి నీడను కూడా తాక లేకపోయింది అని నిర్మొహమాటంగా చెప్పొచ్చు. దీనిని బట్టి సినిమా పరిస్థితి ఏమిటో ఎవరికీ వాళ్ళు అర్ధం చేసుకోవచ్చు.          
  

UKUP Success Is In The Hands Of Manoj Only

అన్ని కార్యక్రమాలను ముగించుకుని అట్టహాసంగా విడుదలకు సిద్దం అవుతున్న  'ఊ కొడతారా ... ఉలిక్కి పడతారా ' సినిమా విజయం పూర్తిగా మనోజ్ చేతుల్లోనే ఉంది అని ప్రేక్షకులతో పాటు సిని పరిశ్రమ లోని కొన్ని వర్గాలు అభిప్రాయ పడుతున్నాయి. కారణం ప్రత్యేకంగా చెప్పనవసరం లేదు... అది అతని అత్యుత్సాహమే ...!

స్వతహాగా మనోజ్ కు ఎనర్జీ తో పాటు ఉత్సాహం , ఆవేశం పాళ్ళు  కొద్దిగా ఎక్కువే. దాంతో పరిదికి మించి  పనిచేస్తాడు... పరిమితికి మించి కష్ట పడతాడు..కాని చాలా  కొంచెం ఆలోచిస్తాడు. దాని మూలంగా సినిమాలో అతని కష్టమే కనిపిస్తుంది కాని ఎంటర్ టైన్మెంట్ కనిపించదు. సినిమాల విషయంలో మనం ఎంత ఎక్కువ కష్టపడ్డం అని కాదు.... ఎంత ఎక్కువ ప్రేక్షుకులను వినోదపరిచాం అన్నది ముఖ్యం. అందుకు ప్రధాన ఉదాహరణలు రజినీకాంత్ , మనోజ్ తండ్రి మోహన్ బాబు. వాళ్ళేం కండలు పెంచి కాళ్ళు , చేతులు విరగోట్టుకోలే .... కానీ తమదైన శైలిలో నటించి ప్రేక్షకులను కట్టిపడేసారు.

అలా  అని మనోజ్ లో నటన శక్తి లేదని కాదు ... మనోజ్ లో పరిపూర్ణమైన నటుడు ఉన్నాడు... అని చాటటానికి వేదంలో తను పోషించిన వివేక్ చక్రవర్తి పాత్ర సరిపోతుంది. కాని తేడా ఎక్కడ వస్తుంది అంటే మనోజ్ నటనతో పాటు చాలా  విషయాలలో ఇన్వాల్వ్ అవ్వటం దగ్గర...! వేదం, జుమ్మంది నాదం  తప్ప ఇప్పటి వరకు మనోజ్ తెలిసో..తెలియకో.... లేక తెలుసుకుందమనో.... ప్రయోగాలూ చేసిన సినిమాలన్నీ పొగడ్తలను మిగిల్చాయి కాని పైసలను రాల్చలేదు.

అలాంటిది తాజాగా 'ఊ కొడతారా ... ఉలిక్కి పడతారా 'సినిమా గురించి నా డ్రీం ప్రాజెక్ట్ , దీనికోసం నాలుగు సంవత్సరాల నుండి ఆలోచిస్తున్నా...  రెండు సంవత్సరాల నుండి కష్టపడుతున్నా... అలానే సినిమాలో బిన్న కోణాలతో, విబిన్నమైన రూపాలలో కనిపిస్తాను అని చెబుతూనే .... పోరాట సన్నివేశాలకు దర్శకత్వం వహించాను అంటుంటే గత స్మృతుల రీత్యా సినిమా మీద ఎక్కడో అనుమానం కలుగుతుంది. ఇప్పటి వరకు మనోజ్ పూనుకుని చేసిన సినిమాలన్నీఅతనికి  ఏదో పాఠాన్ని నేర్పుతూనే ఉన్నాయి. మరి ఈ సినిమా అన్నా జనాలను అలరిస్తుందో... లేక మనోజ్ కు మరో పాఠ0 అవుతుందో వేచి చూడాలి.

రాకింగ్ స్టార్ అల్లా.... రా 'కింగ్' స్టార్ గా మారిన మనోజ్ ఈ సినిమాతో అన్నా వెల్ డన్ స్టార్ గా పేరు తెచ్చుకుంటాడో... లేక వట్టి  'రా'  స్టార్ గానే మిగిలి పోతాడో మరో 24 గంటల్లో తేలిపోతుంది.

వివేకంతో కూడిన శ్రమ ఎప్పుడు కీర్తింపబడుతుంది. మనోజ్ శ్రమకు మంచి ఫలితం దక్కాలని ఆశిస్తూ .....

ALL THE BEST TO  UKUP


(Raw( రా )=(Uncooked. పచ్చి , పరిపక్వత లేని )

Hilarious Response for Allari Naresh's Sudigaadu Trailer

Allari Naresh latest movie 'Sudigaadu' audio songs and trailers were launched yesterday in a grand way. This movie is a spoof of movies. Relevant  to that the movie has a subtitle as 'Oke Tikettu pi 100 Cinemalu'.

Nobody are thinking about the songs but Theatrical trailer  of the movie is getting tremendous response among the public and film industry.

Mostly the the spoof dialogues of Naresh are catching every one's attention and those are thoroughly enjoyable stuff. Have a look on it.   

Here is the official trailer for you .....   

Rajamouli become a brand in Tamil

తంతే బూరెల బుట్టలో పడటం అంటే ఇదే ..! ఏదో సరదాగా టైం పాస్ కోసం చేద్దాం అనుకున్న సినిమా అనుకోని విధంగా పెద్ద సినిమాగా తయారై ... రూపొందించిన వ్యక్తికీ యెనలేని కీర్తి ప్రతిష్టలు తెచ్చిపెట్టింది అంటే మాములు విషయం కాదు. 'ఈగ' సినిమా రాజమౌళి కూడా  అంచనా వేయని విధంగా సంచలనాలు సృష్టించి ఆయనకు పెద్ద పేరు తీసుకు వచ్చింది.

ఈ మద్య రాజమౌళి తెలుగులో రూపొందించిన సినిమాలు ఇతర బాషలలో రీమేక్ అయ్యి విజయాలు సాదించటంతో కొంత గుర్తింపు కూడపెట్టుకున్నాడు. కాని 'ఈగ' విడుదల  తరవాత రేగిన కలకలం మూలంగా దేశవ్యాప్తంగా అయన పేరు మారుమోగింది. తెలుగు ప్రేక్షకులు ఎప్పుడో రాజమౌళి మాయలో పడిపోయారు. తాజాగా 'నాన్ ఈ' తో తమిళ ప్రేక్షకులు కూడా అయన మీద ప్రేమ పెంచేసుకున్నారు. దాంతో రాజమౌళి అక్కడ  సరి  కొత్త బ్రాండ్ గా అవతరించాడు.

ఈ క్రేజ్ ను గుర్తించిన కొందరు రాజమౌళి పాత సినిమాల దుమ్ము దులిపి తమిళంలోకి డబ్ చేసి క్యాష్ చేసుకునే ప్రయత్నాల్లో పడ్డారు. అందులో భాగంగా ఛత్రపతి సినిమాను రాజమౌళి పేరు కలిసోచ్చేట్టు 'చంద్రమౌళి' అనే టైటిల్ అనువాదం చేస్తున్నారు. దీనికి సంబందించిన పోస్టర్ ఈ రోజు అన్ని తమిళ పత్రికలలో వచ్చింది . కాకపోతే అక్కడ విశేషం ఏమిటంటే ఆ పోస్టర్ లో ప్రభాస్ కాని, శ్రియ కాని లేకుండా రాజమౌళి ఫోటో మాత్రమే ఉండటం. దాంతో ఈ అంశం మీద తమిళ సిని వర్గాలలో పెద్ద చర్చ జరుగుతుంది.

ఎవరెలా అనుకున్న తెలుగులో తమిళ దర్శకులు హావా  నడుస్తున్న ఈ కాలంలో తెలుగు దర్శకుడు తమిళ నాట జెండా పాతటం శుభసూచికం. రాజమౌళి తుస్సి గ్రేట్ హో.....! తోఫా కుబుల్ కరో..!

    

UKUP Nizam Theaters List

Manchu Manoj's latest movie 'Uu Kodatara Ulikki Padara' is all set to hit the screens on July 27. This movie is touted to be a dark comedy and it is the first of its kind in Indian cinema. Manoj is feeling proud about that and he is confident on the movie success as the film includes thriller elements along with action , comedy and family sentiment.

The movie is releasing in more than 450 theaters all over the globe and it is set to release in 150 theaters in Nizam area out which 50 theaters in Hyderabad only.

Here is the Nizam theaters list of UKUP

       

Photo Story On DCM New Walls

Here it is the confirmation Raviteja's 'Devudu Chesina Manushulu' is surly hitting the screens on August 15th.

Here is the interesting photo story on newly released walls of DCM

'దేవుడు చేసిన మనుషులు ' అనే ఈ సినిమాలో మన  పూరి చేసిన హీరో సెటిల్మెంట్లు చేస్తూ ఉంటాడంటా... ఈ పాయింట్ ను ఆసరాగా చేసుకుని సరదాగా అల్లిన కధ  మీ కోసం ....!

మన హీరో బయట ఎంత అల్లరి చేసిన ప్రోఫిషన్ విషయంలో మాత్రం చాలా కూల్ ... అదే ఈ లుక్.

చెప్పుకున్నంగా మనోడు బయటకు వస్తే 'బలాదూర్' అని ఇప్పుడు  ఆఫ్ డ్యూటీ .....!

సహజంగా పూరి హీరోలకు నిమిషానికి ఒక కిక్కు కావాలి. అందులో మాస్ మహారాజాకు మరీను... అలాంటిది ఊరికినే  ఉంటాడా ... రొటీన్ లైఫ్ చిరాకు దొబ్బి ... ఏమిచేద్దాం అని అలోచించి .... చివరికి ప్రేమిద్దాం అని డిసైడ్ అయ్యాడు. అందుకే ఆ సిగ్గు.

తొందరగానే మనోడి నీరిక్షణ ఫలించి సుబ్బలక్ష్మి తారస పడింది.... అది ఈ గంతులకు కారణం .

సైటేసుకున్నాడు ....'సుబ్బలక్ష్మి' అని పాటేసుకున్నాడు.... ప్రేమలో పడేసుకున్నాడు ... ఆ ఫై వాటేసుకున్నాడు.  

తరవాత 'నేవ్వంటే చాల ఇష్టమే....' అని మనోడు ,  'నాక్కూడా...' అని సుబ్బలక్ష్మి కలిసి డ్యూయెట్ వేసుకున్నారు. మనోడికి కుసింత ఎనర్జీ ఎక్కువ కాదా... అందుకని వీపరీతం డాన్సు చేయటంతో అలిసిపోయి అమ్మాయి ఒళ్లో ఇలా పడుకున్నాడు.

ఆ ఫై చనువు పెరిగింది కదా అని చొరవ తీసుకున్నట్టు ఉన్నాడు. కాని ఈ విషయం ఆ అమ్మాయితో పాటు ఫై నుండి చూస్తున్న లక్ష్మిదేవి కూడా నచ్చినట్టు లేదు ....!

వినోదం చూస్తున్న విష్ణుమూర్తి ని యాక్షన్ తీసుకోమని సిఫార్స్ చేసినట్టుంది లక్ష్మి దేవి. ఆయన ఊరుకుంటాడా... వాళ్ళిద్దరి మద్య ఏదో పుల్ల  పెట్టాడు. ఇంకేముంది గొడవలు మొదలు...!

గొడవలు ముదిరినట్టున్నాయ్ ... మనోడి ప్రేమ చేదిరినట్టుంది .  ఏమి చేస్తాడు పాపం  ఎంతైనా దేవుడు చేసిన మనిషే కదా ఇదంతా దేవుడే చేసాడని అర్ధం చేసుకున్నాడు. అందుకే   ఎమ్ .... లిటికేషన్ పెట్టావయ్య ..? అని దేవుణ్ణే అడుగుతున్నాడు. 

దేవుడు మనోడి మొర అలకించాడో.... లేక వీడి నస బరించలేక వదిలేసాడో తెలియదు కాని మొత్తానికి వాళ్ళిద్దరూ మళ్ళి  కలిసారు.

 అసలేం జరిగింది....? ఎందుకు జరిగింది .....? వాళ్ళెలా కలిసారు..? అని మీరు తెలుసుకోవాలనుకుంటే ఆగష్టు 15 న దియేటర్లకు రండి .... అక్కడ చూసుకుందాం అని మనోడు సిగ్నల్ ఇస్తున్నాడు . అది సంగతి..!

ఈ ఫోటో స్టొరీ అనే తతంగం మీకు నచ్చితే ఓ కామెంట్ పడేసి ... మీ ఫ్రెండ్స్ కు ఫార్వర్డ్ చెయ్యండి.
నచ్చక పొతే లైట్ తీసుకోండి.

Manchu Vishnu bet on UKUP

Total Manchu family is on excitement, as their production's heavy budget movie 'Uu Kodatara Ulikki Padatara' is set to release on July 27th. Today the movie has done with its censor and got the U/A certification,which brings lot of confidence and happy in the UKUP team.

Hardly 3 days left for the release. The producers are making all the arrangements for the grand release across the globe. Manchu Lakshmi and Manoj are busy with that task. Vishnu has taken part to promote the movie in all possible ways, for that he is using twitter. He is actively interacting the tweeples and creating all positive ripples on UKUP.

As a part of that he bet with Balayya fans as they all will love Balayya in this film. Vishnu stated 'Excited! @HEROMANOJ1 #ukup is only 4 days to go. I am sure all of u will enjoy the movie. And balayya anna is at his best. I bet with confidence that.all his fans will love him in this movie. He has done superbly.  No wonder y Balayya anna is todays biggest mass hero. Every1 will luv him in #ukup.Suprise package will b @LakshmiManchu.U will b blown away'.

It is surly a happy moment for Balakrishna fans if every thing is set as per Vishnu's comments. Lets wait and see what exactly there in UKUP.        
   
     

Julayi Pakado Video Song : Bunny Rocks - DSP Shakes

కొత్త ట్రెండ్ కు తెర  తీస్తూ నిన్న విడుదలైన 'జులాయి ' ప్రమోషనల్ వీడియో సాంగ్ 'పకడో .. పకడో ..' టాలీవుడ్ లో హాల్  చల్  చేస్తుంది. స్టైలిష్ గా రూపొందించిన ఈ పాట ప్రేక్షకుల అటెన్షన్ ను క్యాచ్ చేస్తుంది. సహజంగా వారికున్న ఎనర్జీ తో కూడిన టాలెంట్ తో అభిమానులను సమ్మోహన పరిచే బన్నీ , దేవి శ్రీ ప్రసాద్ ఈ పాట లో తొలిసారిగా కలిసి స్టెప్పులు వేశారు. ఆల్బం సాంగ్ తరహాలో క్రియేట్ చేసిన ఈ పాటలో బన్నీ రాఫ్ గా కనిపించి రాక్ చేస్తే , దేవి సాఫ్ట్ గా కనిపించి షేక్ చేసాడు.

ఒరిజినల్ ఆల్బం లో ఈ పాటను మాల్గాడి శుభ పాడితే వీడియో కోసం దేవి తన స్వరం ఉపయోగించాడు. ఆకర్షించే డాన్సు మూమెంట్స్ తో , చిన్న చిన్న కాన్సెప్ట్స్ తో పాట  చాలా  బాగా వచ్చింది. సినిమా ప్రచారానికి ఈ మాత్రం సరి పోతుంది. అందులోను తోలి ప్రయత్నం కాబట్టి బాగుంది అని మెచ్చుకోవాలి. ప్రచారం మొదలైనప్పటి నుండి వెరైటిగా సినిమాను ప్రమోట్ చేస్తున్న  దర్శకుడు త్రివిక్రమ్ ఈ ప్రయత్నంలో కూడా సఫలం అయ్యాడు.

పట్టించుకోపోతే పర్వాలేదు కాని ఈ పాటకు సంబంధించి రెండు విషయాలు కొంచెం అసంతృప్తి కలిగిస్తున్నాయి. అవి ఏంటంటే ఇంత గ్రాండ్ గా తయారైన ఈ పాటను బుల్లి తెర మీద మాత్రమే చూడాల్సిరావటం. స్మాల్ స్క్రీన్ మీద పూర్తిగా ఆస్వాదిస్తున్న ఫీలింగ్ కలగటం లేదు. అలానే పాట లిరిక్ కు చిత్రీకరణకు సంబంధం కనపడటంలేదు. ఒరిజినల్ గా మాల్గాడి శుభ పాడిన పాటలో ఒక ఇన్స్పిరేషన్ ఉంది, ఒక మోటివేషన్ ఉంది. సాహిత్యం తో సరిగా కనెక్ట్ అయితే విజయం కోసం పోరాడుతున్న వ్యక్తిని ప్రోత్సహిస్తున్నట్టు ఉంటుంది. ఆ ఫీలింగ్ ఈ వీడియో పాటలో కనిపించలేదు. ఇప్పుడొస్తున్న చాలా  సినిమా పాటల్లానే  పాట తోవ  పాటది ... చిత్రీకరణ తోవ చిత్రీకరణది... !ముందే చెప్పాం కండిషన్స్ అప్లై అవుతాయని పట్టించుకుంటేనే ప్రాబ్లంకాని లేక పొతే ఈ పాటలాంటి పాట మరొకటి కనిపించదు.


ఏది ఏమైనా కొత్త ఒరవడికి శ్రీకారం  చుట్టిన 'జులాయి ' టీమ్ కు అభినందనలు.

Thumbs Down For Eega At Mass Areas

సూపర్ సక్సెస్ ఫుల్ డైరెక్టర్ రాజమౌళి తెలుగు జాతి గర్వించ తగ్గ రీతిలో 'ఈగ' అనే దృశ్య కావ్యాన్ని రూపొందించి తెలుగు సినిమా గొప్పతనాన్ని జగద్విదితం చేస్తే.... ఏమిటి వృధా ప్రేలాపన అని కోపగించుకోకండి. నిజం నిప్పు లాంటిది ఒప్పుకోక పొతే... కాల్చి పారేస్తుంది! ఎవరు ఒప్పుకున్నా ఒప్పుకోక పోయిన ఈగ మాస్ ప్రేక్షకులను మెప్పించి మచ్చిక చేసుకోవటంలో సఫలం కాలేదు. ఫై గా రాజమౌళి ని అమితంగా ఇష్ట పడే  మాస్ జనాలు సినిమా చూసి  నిరాశ  పడ్డారన్నది వాస్తవం.  సినిమా విడుదలైన రోజు  క్లాసు ఏరియస్ లో అద్భుతం, మాస్టర్ పీస్ వంటి పొగడ్తలు  వినిపిస్తే... మాస్ ప్రాంతాల్లో యావరేజ్, పర్లేదు వంటి మాటలు వినపడ్డాయి. మీడియా కూడా క్లాస్ వర్గమే కాబట్టి మాస్ అభిప్రాయానికి పెద్ద గుర్తింపు రాలేదు.

దాని మూలంగా ఈగకు వచ్చిన నష్టం ఏమి లేదు, ఎందుకంటే క్లాసు ఏరియస్  లో సినిమా పూర్తీ ఆధిపత్యాన్ని చలాయిస్తుంది అని అనుకుంటే  పొరబాటే. ఎందుకంటే క్లాస్ ప్రేక్షకులతో పోల్చితే నచ్చిన సినిమాను రెండు మూడుసార్లు చూసేది మాస్ ప్రేక్షకుడే. అతను ఒక్కసారి చాలు అనుకున్నడంటే వసూళ్ళ పరంగా ఎంతో కొంత తేడా తప్పక కనపడుతుంది. హిట్ టాక్ ఉంది కాబట్టి పెట్టుబడి  పోను అర కొర లాభం రావచ్చు. అదే మాస్ తలుచుకుంటే బయ్యర్ దగ్గరనుండి నిర్మాత వరకు అందరి పంట పండినట్టే. అప్పుడు సినిమా సక్సెస్ రేంజ్ ను అంచనా కూడా వేయలేం.

అసలు ఈగ ఎందుకు మాస్ ను మెప్పించలేకపోయింది అని ఆలోచిస్తే ప్రధానంగా కనిపించే కారణలు హీరో గా వాళ్ళు అభిమానించే వ్యక్తి లేకపోవటం, వారిని అలరించే పాటలు లేక పోవటం, కామెడీ లేక పోవటం  అని వినిపిస్తున్నాయి. అది కొంతవరకు నిజమే...! కాని ఇక్కడ  గుర్తించాల్సిన విషయం ఇంకోటుంది...  ఇంగ్లీష్ డబ్బింగ్ సినిమాలకు మన మాస్ ఏరియస్ లో వీపరీతమైన డిమాండ్ ఉంది. ఆ సినిమాల్లో తెలిసినవాళ్లు ఎవరుంటారు, అలాగే వాటిలో పాటలు ఉండవు, కామెడీ కూడా తక్కువే అయిన వాటిని ఎగబడి చూస్తున్నారు...? ఎందుకు అని విశ్లేషించు కుంటే... అందులో కంప్యూటర్ గ్రాఫిక్స్ ఉన్న అనువాద చిత్రాలే ఎక్కువ ఆదరణ పొందుతున్నాయి. దాంతో గ్రాఫిక్స్ అనగానే వాళ్ళు ఊహించుకునేది చాల హేవీ గా ఉంటుంది. అలాంటి వారి పెద్ద ఊహ ముందు  ఓ మాదిరి గ్రాఫిక్స్ ఉన్న సినిమాలు ఏమి సరిపోతాయి చెప్పండి. ఇదే ప్రధానంగా మాస్ ను ఈగ అలరించలేక పోవటానికి కారణం అని మారుతి టాకీస్ అభిప్రాయం.

ఈ పరిణామం ప్రోత్సహించతగినది కాదు. వాస్తవంగా 'ఈగ ' ఒక అద్బుతమైన చిత్రం... మనమందరం  మనస్పూర్తిగా ఏకీభవించాలి. కామన్ సెన్స్ తోటి ఆలోచిస్తే ఈగ ఏమి చేయగలదు ..నత్తింగ్ ..! అలాంటిది దాని చేత రాజమౌళి చేయించిన సాహసాలు అనన్య సామాన్యం. రాజమౌళి ఆలోచన శక్తికి , పవర్ ఫుల్ ఇమాజినేషన్ కు హాట్స్ ఆఫ్ చెప్పి తీరాల్సిందే. కాని ఈ విషయం మాస్ కి అర్ధమయ్యేట్టు చెప్పటంలో ఎక్కడో చిన్న కమ్యునికేషన్ గ్యాప్.  ఆ గ్యాప్ ను పట్టుకుని పరిష్కరించకపోతే  భవిష్యత్తులో తెలుగులో గ్రాఫిక్స్ తో రూపొందే సినిమాలు మరిన్ని సమస్యలు చవిచూడాల్సి రావొచ్చు.  

Tuneega Tuneega Movie Review

తెలుగు సిని చరిత్రలో నిలిచిపోయేటటువంటి ప్రతిష్టాత్మక సినిమాలను నిర్మించిన యమ్ యస్  రాజు  తన కుమారుడిని హీరోగా పరిచయం చేస్తూ రూపొందించిన 'తూనీగా..తూనీగా ..' చిత్రం ఈ వారం ప్రేక్షకుల ముందుకు వచ్చింది. శ్రీ వెంకటేశ్వర క్రియేషన్స్ మరియు  పద్మిని ఆర్ట్స్ సంయుక్తంగా నిర్మించిన ఈ చిత్రం ద్వార సుమంత్ అశ్విన్, రీయ లు వెండితెరకు పరిచయం అయ్యారు. యం యస్ రాజు  దర్శకత్వం వహించిన ఈ చిత్రానికి పరుచూరి సోదరులు మాటలు వ్రాసారు. కార్తీక్ రాజా సంగీతాన్ని అందించాడు.

వాన పరాజయం తరవాత  ఉత్సాహం లేకుండా కనిపిస్తున్నా యం . యస్ రాజు కొడుకును హీరోగా నిలబెట్టి పూర్వవైభవాన్ని తిరిగి పొందాలని ఆశ పడుతున్నట్టు కనపడుతుంది. పంపిణి వ్యవస్థ మీద తనకున్న ఆధిపత్యాన్ని ఆసరాగా చేసుకుని సినిమా వ్యాపారాన్ని జోరుగా సాగిస్తున్నా దిల్ రాజు 'ఈ రోజుల్లో..' చిన్న సినిమాల పాలిట  కనిపించే దైవంగా అవతరించాడు. వాసన బట్టి సినిమాల ఫలితాన్ని పసిగట్టే రాజు చెయ్యి పడితే సినిమా వందరోజుల వేడుక చేసుకోవాల్సిందే.

ఈ సినిమా మీద పెద్దగా అంచనాలు లేక పోయిన యం యస్ రాజు ఆశకు  దిల్ రాజు మ్యాజిక్ తోడవటంతో పెట్టుబడి రాబట్టుకోవటంలో సినిమా సఫలం అయినట్టే అనుకోవచ్చు.  ఇక  లాభం ఎంతోస్తుంది అనేది  సినిమా ఫలితం నిర్ణయిస్తుంది. మరి ఈ  సినిమా ఫలితం ఏమిటో మన సమీక్షలో చూద్దాం .

కధ :
రవీంద్ర బాబు (నాగ బాబు ) అనే పెద్ద వ్యాపారవేత్త , రామస్వామి(ప్రభు) అనే వంటవాడు మంచి మిత్రులు. అంతస్తుల తేడా వారి స్నేహానికి అడ్డు రాలేదు. రవీంద్ర బాబు ఇంట్లోనే వంటవాడిగా పనిచేసేవాడు రామస్వామి. వీళ్ళిద్దరూ ఎంత మంచి స్నేహితులో వాళ్ళ పిల్లలు అంత మంచి శత్రువులు. రామస్వామి కొడుకు  కార్తీక్(సుమంత్ అశ్విన్) రవీంద్ర బాబు కూతురు నిధి (రియా ) ఎప్పుడు గొడవ పడుతూ ఉంటారు. కార్తీక్ చేసిన మిస్టేక్ కారణంగా అమెరిక వెళ్లి పోతుంది నిధి .

12 సంవత్సరాల తరవాత తండ్రి ఏర్పాటు చేసిన సమ్మర్ క్యాంపు కు వస్తుంది నిధి. అక్కడ కార్తీక్ మొదటి చూపులోనే ఆమెను ప్రేమిస్తాడు. కాని ఆమె తన పాత శత్రువు నిది అని తెలిసి తానెవరో చెప్పకుండా ఆమెకు దగ్గరయ్యే ప్రయత్నాలు చేసి సక్సెస్ అవుతాడు. మనసుకు దగ్గరైన మనిషి తన శత్రువు అని తెలిసినా అతను  చూపించిన ప్రేమకు పడిపోతుంది నిది.

అలా  ఇద్దరు ఒక్కటయ్యే సమయానికి రవీంద్ర బాబు చెల్లిలి కుటుంబం అడ్డు తగులుతుంది. వ్యాపారంలో దివాలా తీసే పొజిషన్ లో ఉన్న ఆ కుటుంబం నిది ని వాళ్ళింటి కోడలుగా చేసుకుంటే ఒడ్డున పడవచ్చు అనే ఉద్దేశంతో కార్తీక్ , నిది ల మద్య అపార్దాలు సృస్టిస్తారు. ఆ అపార్ధాలు గొడవలకు  దారి తీసి రామస్వామి , రవీంద్ర బాబు విడిపోతారు. మంచి మిత్రులు విడిపోవటం సహించని రవీంద్రబాబు ఫ్యామిలీ డాక్టర్ కమ్ ఫ్రెండ్ జేమ్స్ కార్తీక్ , నిదిలను కలిపే ప్రయత్నాలు మొదలు పెడతాడు. ఆ ఫై అపోహలు తొలగి ప్రేమికులిద్దరూ ఎలా ఒక్కటయ్యారు అన్నది మిగిలిన కధ .

విశ్లేషణ :

తూనీగా ... తూనీగా .. ఈ టైటిల్ ను బట్టే అర్ధం చేసుకోవచ్చు ఈ సినిమా  యం యస్ రాజు స్కూల్ నుండి వచ్చిందని. మనసంతా  నువ్వే .!, నువ్వస్తానంటే నేనోద్దంటానా..!  సినిమాల కోవకు చెందినదే ఈ సినిమా  కూడా... నిర్మొహమాటంగా చెప్పాలంటే ఆ రెండు సినిమాలను కాలేసి మెలేసి మిక్సిలో వేసి తీసి వడ బోసి ఈ సినిమా తీసారు అని అనిపిస్తుంది. మరైతే బాగానే ఉంటుందని మీరు అనుకోవచ్చు అక్కడే మిస్టేక్ లో కాలేస్తాం... ఎందుకంటే ఇక్కడ జరిగింది వేరు కాబట్టి. ఆ రెండు సినిమాల్లో మంచి పాటలున్నాయి , ఆస్వాదించే హాస్యం ఉంది, కదిలించే సన్నివేశాలున్నాయి.  ఆ మూడు విషయాలు ఈ సినిమాలో లోపించాయి.

టీనేజ్ ప్రేమకధలు సక్సెస్ అవ్వాలంటే  ఎమోషనల్ ఎపిసోడ్స్ తో పాటు  పాటలు , కామెడీ ప్రధాన పాత్ర పోషిస్తాయి. ఈ సినిమాలో పాటల  విషయంగా కొంత ప్రయత్నం జరిగింది కాని కామెడీ ని పూర్తిగా విస్మరించారు. మొదట్లో శత్రువులైన హీరో హీరోయిన్ పాత్రల స్వభావరీత్యా వారి మద్య వచ్చే సన్నివేశాల్లో కామెడీ ఉండేలా చూసారు కాని అది రొటీన్ గా అనిపించి నవ్వురాదు . అలానే హీరో హీరోయిన్ మద్య రొమాన్స్ కూడా సరిపడా లేదు. ఎందుకంటే వారిద్దరి మద్య ఉండే ప్రేమలో సరైన డెప్త్ కనిపించదు. వాటన్నిటిని పక్కన పెట్టి యం యస్ రాజు తన ఇష్టన్ని ఎమోషన్స్, సెంటిమెంట్ వంటి తదితర అంశాల మీద ఒలకబోసారు. అందులోను విలన్స్ సైడ్ హీరోయిన్ మేనమామ కూతురు చూపించే విలనిజం కాస్త ఆకట్టుకుంటుంది తప్పించి మిగతవి పెద్దగా మెప్పించవు.

 ఈ మద్య ఓ ప్రెస్ మీట్లో సహా నిర్మాత దిల్ రాజు సినిమాలో హీరోయిన్ కి జంతువులంటే ఇష్టం , హీరోకి సంగీతం అంటే ప్రాణం వాటితో ప్రేక్షకులు కనెక్ట్ అయితే సూపర్ హిట్ ఈ సినిమా అన్నారు. కాని సినిమా చూస్తున్నప్పుడు ఆ విషయాలతో ఎందుకు కనెక్ట్ అవ్వాలో... ఎలా కనెక్ట్ అవ్వాలో అర్ధం కాకపోవటం విచారకరం. అలానే హీరో పెద్ద డాన్సర్ అయ్యేలా స్క్రీన్ ప్లే వ్రాసారు. కాని భాదపెట్టె విషయం ఏమిటంటే ఓ స్పెషల్  ప్రొఫిషనల్ డాన్సర్ కు ఉండవలసిన లక్షణాలు ఈ సినిమా హీరోలో లేకపోవటం. దాంతో ఈ కొత్త హీరో మీద అభిమానం కంటే జాలి ఎక్కువ కలుగుతుంది... మోయలేని భారాన్ని ఎత్తుకున్నందుకు..! ఇలా అనవసరమైన తప్పిదాలు చాల చోట్ల సిన్మాను నీరుగర్చాయి.  మొత్తంగా  చెప్పేదేమంటే యం యస్ రాజు  దర్శకత్వ శాఖ మీద మరింత పట్టు సాదించవలసిన అవసరం ఉంది అని సినిమా చివర్లో అనిపించక మానదు.

పరుచూరి సోదరులు వ్రాసిన మాటలు సరిగా పేలలేదు. చాల చోట్ల నిరుత్శాపరిచారు... మరికొన్ని చోట్ల ఎబ్బెట్టు కలిగించారు. కార్తీక్ రాజా అందించిన పాటలు ఒకటి రెండు మినహా మిగతావి పెద్దగా ఆకట్టుకోలేదు. బ్యాక్ స్కోరు కూడా అంతంత మాత్రంగానే ఉంది. యస్ గోపాల్ రెడ్డి కెమెర పనితనం  ప్రమాణాలకనుగుణంగా బాగుంది. మిగత సాంకేతిక విభాగాలు బాగా పనిచేశాయి. ముఖ్యంగా సి జి పనితనం నభూతో నభవిష్యత్...! ఎందుకంటే అసలు జంతువులను సృష్టించారూ ... యాజ్ టీజ్ ఒరిజినల్ గా ఉన్నవాటిని క్లోన్ చేసినట్టు చేసి సినిమాలో చూపించారు. ఎంతలా  అంటే వాళ్ళు చూపించిన వాటిని జనాలు నిజమైనవి అని అనుకుంటారేమో అని... ఆ జంతువులూ వస్తున్నప్పుడల్లా కింద ఇవి కంప్యూటర్ తో చేసినవి అని స్క్రోల్ వేయటంలా. నిర్మాణాత్మక విలువలు ఉన్నతంగా ఉన్నాయి.

అభినయం:

సుమంత్ అశ్విన్లో కొంత విషయం ఉంది ఇంకొంచం రాటుతెలితే మంచి ఆక్టింగ్ మేటిరియాల్ కూడా..! ఇక పొతే ఈ సినిమా సుమంత్ అశ్విన్ కు  పెర్ఫెక్ట్ లాంచ్ పాడ్ మాత్రం కాదు. అతనిలో ఇంకేదో ఉంది అది బయటకు రాలేదు. ఒన్స్ అతనిలో ఉన్న స్పెషాలిటిని ఎవరన్న గుర్తుపట్టగలిగితే సుమంత్ కూడా స్టార్ అయిపోతాడు. ఈ సినిమా వరకు రామ్ , సిద్దార్థ్ వంటి వారిని అనుకరించే ప్రయత్నం చేసాడు... కాని ఆకట్టుకోలేకపోయాడు. బెటర్ లక్ నెక్స్ట్ టైం సుమంత్ . హీరోయిన్ గా పరిచయం అయిన బెంగాలి భామ రియ లో జనేలియా పోలికలు కనిపించటం మినహా పెద్ద ప్రత్యేకతలు ఏమి లేవు. నటన విషయం గా , గ్లామర్ విషయం గా ఆమె మరింత పరిణితి సాదించాలి. సపోర్టింగ్ కాస్ట్ విషయంలో కొత్తగా కనిపించిన వాళ్ళందరూ చిరాకు పుట్టించారు. నాగబాబు, ప్రభు, షాయాజీ షిండే తదితరులు వారి పాత్రలకనుగుణంగా నటించారు.


ప్లస్ పాయింట్స్:

కొన్ని ఎమోషనల్ సన్నివేశాలు,  'దిగు ..దిగు జాబిలి ', తూనీగా ..తూనీగా ..   పాటలు ఈ సినిమాకు  ప్లస్ పాయింట్స్

మైనస్ పాయింట్స్ : 
రొటీన్ కధ , కధనాలతో పాటు హాస్యం లేకపోవటం ప్రదానంగా ఈ సినిమాకు మైనస్ పాయింట్స్.


కొసమెరుపు :
యం యస్ రాజు, పరుచూరి బ్రదర్స్ , భూపతిరాజా , గోపాల్ రెడ్డి వంటి ఉద్దండ వయసుమీరిన యువకులు రూపొందించిన ఈ టీనేజ్ ప్రేమకధలో... టీనేజ్ యువతను కట్టిపడేసే అంశాలు  లేక పోవటం ఈ సినిమాకు పెద్ద కొరత.  దాంతో  ఈ సినిమా ను రక్షించే భాద్యత  ఫ్యామిలీ ప్రేక్షకుల చేతుల్లోకి వెళ్ళింది. వారిని ఆకర్షించగలిగితే ఈ సినిమా హిట్ అన్నట్టే లెఖ్ఖా...!

MARUTHI TALKIES RATING 2.5 OUT OF 5 

 

  

Ajith Kumar's David Billa (Billa 2) Movie Review

 'ప్రేమ పుస్తకం' అనే తెలుగు సినిమాతో  నట జీవితాన్ని ప్రారంభించిన అజిత్ కుమార్ ఆ ఫైన తమిళనాట తన ప్రతిభను నిరూపించుకుని స్టార్ గా ఎదిగి తిరుగులేని ప్రస్థానాన్ని కొనసాగిస్తున్నాడు. చాల కాలం తరవాత ఈ  మద్యనే గ్యంబ్లార్ చిత్రం తో తెలుగు ప్రేక్షకులను పలకరించిన అజిత్ ఈ వారం  డేవిడ్ బిల్లా చిత్రం తో మన ముందుకు వచ్చాడు. పరాజయాలతో సతమతమవుతున్నా అజిత్ కు తమిళనాట పూర్వ వైభవాన్ని తీసుకు వచ్చిన బిల్లా  చిత్రానికి రెండోవ భాగంగా రూపొందిన  బిల్లా - 2 ను  తెలుగులో యస్ వి ఆర్ మీడియా సంస్థ విడుదల చేస్తుంది. చక్రి తోలేటి దర్శకత్వం వహించిన ఈ చిత్రంలో అజిత్ సరసన పార్వతి ఒమన్ కుట్టన్ , బ్రూన అబ్దుల్లా హీరోయిన్ లుగా నటించారు. సంగీత సంచలనం యువన్ శంకర్ రాజా సంగీతాన్ని అందించాడు. తమిళ నాడులో భారి అంచనాలతో పెద్దఎత్తున విడుదల అవుతున్న ఈ సినిమాకు తెలుగులో పెద్దగా ప్రచారం జరగలేదు. అందున ప్రస్తుతం ఈగ మేనియా తో మైమరిచి పోతున్న తెలుగు ప్రేక్షకులు డేవిడ్ బిల్లా  మీద ద్రుష్టి సారించాలంటే ఈ సినిమాలో ఎన్నో ప్రత్యేకతలు ఉండి  తీరాలి.  మరి 'ఈగ' ను మరిపించి హిట్ ను సొంతం చేసుకోగలిగే అంశాలు 'డేవిడ్ బిల్లా' లో  ఏ  మేర ఉన్నాయో మన సమీక్షలో చూద్దాం .     

కధ :
శ్రీలంక నుండి శరణర్దుడిగా ఇండియా వచ్చిన డేవిడ్ బిల్లా  తిరుగులేని అసాంఘిక శక్తి గా మారి  ప్రపంచాన్ని భయపెట్టే  స్థాయి నటోరియస్ డాన్  గా ఎదిగే క్రమమే ఈ 'డేవిడ్ బిల్లా' . రోజు కూలీగా  మొదలైన బిల్లా  నేరాల ప్రస్థానం వజ్రాలు స్మగ్లింగ్ చేయటం, డ్రగ్స్ మార్కెటింగ్ లో టాలెంట్ చూపించి నేర సామ్రాజ్యానికి తన ఉనికిని తెలియజేస్తాడు. ఆ ఫై ఆయుధాల అక్రమ రావాణ విషయం లోకల్ డాన్  తో వచ్చిన అభిప్రాయ భేదాలు బిల్లా తన సొంతగా దందా చేసుకునేందుకు దారి తీస్తాయి. ఆ ఫై తన దారికి అడ్డు వచ్చిన అందరిని నిర్దాక్షిణ్యంగా హతమార్చి ఇంటర్ నేషనల్ మోస్ట్ వాంటెడ్ క్రిమినల్ గా ఎలా ఎదిగాడు అన్నది మిగిలిన కధ .

విశ్లేషణ:
గతం లో వచ్చిన అజిత్ కుమార్ బిల్లా  చిత్రానికి ప్రిక్వెల్ గా వచ్చిన డేవిడ్ బిల్లా  సాంకేతికంగా ఆ సినిమా రేంజ్ ను అందుకుందని చెప్పవచ్చు. కధనం విషయం లో మాత్రం కొంత ఆ సంతృప్తిని కలగజేసింది. ఎందుకంటే బిల్లా  కు ప్రిక్వెల్ అనే ఆలోచన గాడ్ ఫాదర్ సెకండ్ పార్ట్ స్ఫూర్తి అని అర్ధం అయిపోతుంది. ఆ పార్ట్ లో ఓ సామాన్యమైన వ్యక్తి గాడ్ ఫాదర్ గా ఎలా ఎదిగాడు అన్నది ప్రధానమైన పాయింట్ . డేవిడ్ బిల్లా  సినిమాది  కూడా అదే పాయింట్. చిన్న గానే కనిపిస్తున్న ఈ పాయింట్ ను సరిగ్గా డీల్  చేయగలిగితే ఎవడు ఓపిక మేర వాడు దున్నుకోవచ్చు. ఇంతే చేయాలి...  ఇంతలోనే చేయాలి అనే బౌండరీస్ ఏమి ఉండవ్. ఎందుకంటే ఓ మాములు మనిషి డాన్  గా ఎదగాలంటే ఎన్నో సవాళ్ళు ఎదుర్కోవాలి... ఎన్నో సాహసాలు చేయాలి...తెలివితేటలూ , ధైర్యం ప్రదర్శించాలి. తను చేసే పనులకు... తను నడిచే దారిలో అడ్డే లేదని ప్రత్యర్ధులకు .... అలానే సినిమా చూసే ప్రేక్షకులకు అల్టిమేటం ఇవ్వగలగాలి. అంత  పవర్ ఫుల్ గా .. పక్కగా ఈ పాయింట్ కు  స్క్రీన్ ప్లే ను సమకూర్చుకోవాలి. అప్పుడే ఆ సినిమా జనరంజకం అవుతుంది. ఈ సినిమా విషయం లో చక్రి బానే చేసాడు కాని ఇంక బెటర్ గా చేస్తే బాగుండేది అనిపిస్తుంది ఎందుకంటే టెక్నికల్ గా హై గా ఉంది అన్న విషయాన్నీ పక్కన పెడితే సినిమాలో జరిగే సంఘటనలు, వచ్చే సన్నివేశాలు మనం ఇంతకు ముందు రామ్ గోపాల్ వర్మ , మణిరత్నం లాంటి వాళ్ళ చిత్రాలలో చూసినవే. వాటి తో ఈ సినిమా ను పోల్చలేం అది వేరే సంగతి.

సినిమా పెద్ద ఆసక్తి లేకుండా మొదలవుతుంది. అలానే ఫస్ట్ హాఫ్ మొత్తం బోరింగ్ స్క్రీన్ ప్లే తో నడుస్తుంది. ఇంటర్వెల్ బ్యాంగ్ తో సినిమాకు ఊపు వస్తుంది.  రెండో సగం లో వచ్చే సన్నివేశాలు రొటీన్వే  అయిన వాటిల్లో ఉన్న వేగం మన అటెన్షన్ ను క్యాచ్ చేస్తుంది. అల ఆ వేగం క్లైమాక్స్ వరకు కంటిన్యు అయ్యి హై వోల్టేజ్ యాక్షన్ ఎపిసోడ్  తో... మినింగ్ ఫుల్ గా ముగుస్తుంది. కధనం విషయాన్నీ పక్కన పెడితే  సినిమా ను  సాంకేతికంగా హై ఎండ్ లో చిత్రీకరించి అదరగొట్టాడు చక్రి. ముఖ్యంగా లోకేషన్స్...... మంచి మంచి లోకేషన్స్ ను ఎంచుకుని వాటిని చాల అందంగా స్క్రీన్ మీద ప్రెజెంట్ అయ్యేట్టు చేసాడు. యువన్ శంకర్  రాజా అందించిన పాటలు , బ్యాక్ స్కోర్ ప్రధానంగా ఈ సినిమాకు ఆయువు పట్టు.  సినిమాలో  సరైన సీన్స్ పడకుండానే ఈ రేంజ్ లో చేసాడంటే ఓ మాదిరి సన్నివేశాలు ఉన్నట్టైయితే ఇంకెలా ఉండేదో...? చాల చోట్ల సన్నివేశాల్లో దమ్ములేక యువన్ చేతులు కట్టేసినట్టు అయ్యింది.  మొత్తంగా అవకాశం ఉన్నంతలో తన ఉనికిని చాటాడు. ఆర్ట్ వర్క్ అద్భుతంగా ఉంది. సినిమాటోగ్రఫీ మరియు ఎడిటింగ్ విభాగాల పనితీరు ఎక్సేప్షనాల్ ..! అందుబాటులో ఉన్న సాంకేతికతను ఉపయోగించుకుని క్వాలిటీ సినిమాను రూపొందించే విషయంగా తమిళ దర్శకులు , నిర్మాతల గురించి ప్రత్యేకంగా ఎంత చెప్పిన తక్కువే. ఈ సినిమా లో కూడా ఆ విషయం చాల స్పష్టంగా కనపడుతుంది.

అభినయం :
 అజిత్ కుమార్ కనపడటమే సిల్వర్ స్క్రీన్ కు కొత్త అందాన్ని తీసుకు వస్తుంది. అంత  పెర్ఫెక్ట్ ఆర్టిస్ట్ అతను ..! తీక్షణమైన చూపులతో ... అబ్బురపరిచే ఎక్స్ ప్రేషన్స్ తో ప్రేక్షకులను కట్టి పడేస్తాడు. ఆ మాయాజాలాన్ని డేవిడ్ బిల్లా  గా ఈ సినిమాలో కావలసినంత ప్రదర్శించాడు. కాకపోతే బాడీ విషయం లో అజిత్  చూపిస్తున్న అశ్రద్ధ వయసు ఫై బడిన వాడిగా తలపిస్తుంది. మొత్తం కాకా పోయిన పొట్ట తగ్గించిన బాగుంటుందేమో..! కొత్త హీరోయిన్ లు పార్వతి  ఒమన్ కుట్టన్, బ్రూన  అబ్దుల్లా పరవాలేదనిపిస్తారు. మిగత నటులు వారి పాత్రలకనుగుణంగా  బాగానే చేసారు.

ప్లస్ పాయింట్స్: 

అజిత్ నటన, సాంకేతికంగా ఉన్నతంగా ఉండటం, యువన్ మ్యూజిక్  ప్రధానంగా ఈ సినిమాకు ప్లస్ పాయింట్స్.

మైనస్ పాయింట్స్; 

మొదటి సగం సన్నివేశాల్లో వేగం లేక పోవటం, మూస కధనం కావటం చాల వరకు ఈ సినిమాకు మైనస్ పాయింట్స్.

కొస మెరుపు : 

ఎవరకూ ఎలా ఉన్న అజిత్ మీద అభిమానం  ఉన్న వారికీ ఈ సినిమా పిచ్చ పిచ్చగా నచ్చుద్ది . అదే ఈ సినిమాకు పెద్ద గండం ... ఎందుకంటే తెలుగులో అజిత్ ను అభిమానించే వాళ్ళు చాలా  తక్కువ. అలానే 'ఈగ' సినిమా  సందడి కూడా ఇంక సద్దుమణగా లేదు. ఈ అంశాలను బేరీజు వేస్తే తెలుగులో 'డేవిడ్ బిల్లా మనుగడ కష్టంగానే కనిపిస్తుంది.

Maruthi Talkies Rating : 2.5 out of 5 


  

Eega Movie Review

పదకొండు సంవత్సరాల సిని ప్రస్థానం లో అపజయం ఎరుగని దర్శకుడిగా తెలుగు ప్రేక్షకుల అభిమాన సామ్రాజ్యాన్ని ఏలుతున్న సూపర్ సక్సెస్ ఫుల్ రాజమౌళి తన కీర్తి కిరీటంలో మరో కలికితురాయిగా  'ఈగ' చిత్రాన్ని చేర్చుకోవటానికి జూలై 6 వ తేదిని వేదికగా చేసుకున్నాడు. వారాహి చలన చిత్ర బ్యానర్ ఫై నిర్మితమైన ఈ చిత్రంలో నాని, సమంతా , సుదీప్ ప్రధాన పాత్రాలు పోషించారు. కీరవాణి సంగీతాన్ని అందించాడు. మహా మాసుగారైన రాజమౌళి ఈ మద్య కొంత మర్యాద నేర్చుకుని సినిమాలతో ప్రయోగాలు మొదలుపెట్టాడు. రాజమౌళి అన్ని రకాల సినిమాలు చేయగలడు  అని అనిపించుకోవటానికి హాస్య నటుణ్ణి హీరోని చేస్తే.... ఆహా  అన్నారు తెలుగు ప్రేక్షకులు. దాంతో ధైర్యం తెచ్చుకుని ఇప్పుడు ఏకంగా 'ఈగ' ను హీరోగా పెట్టి ఆయన తీసిన సినిమా గురించి విని దేశం మొత్తం ఔరా....! అంది. మర్యాదరామన్న విజయం ఇచ్చిన కిక్ ను ఆస్వాదిస్తూ సింపుల్ గా కానిచ్చేద్దాం అని రాజమౌళి మొదలుపెట్టిన 'ఈగ' ఎక్స్ ట్రార్డినరి అనే పదానికి శాంపిల్ గా మారి సంచలనం అయ్యి కూర్చుంది.  ఆ సంచలనానికి తగ్గట్టు పెరిగిన అంచనాలను ఈ 'ఈగ' ఎంత వరకు అందుకోగాలిగిందో... మన సమీక్షలో చూద్దాం .

కధ :
టపాసులు తయారు చేసే నాని (నాని ) తన ఇంటి ముందు ఉండే మైక్రో ఆర్టిస్ట్ బిందు (సమంతా ) ను రెండు సంవత్సరాలుగా ప్రేమిస్తూ ఉంటాడు. బిందు కు కూడా నాని మీద ప్రేమ ఉంటుంది కానీ బయటకు చెప్పదు . అలా  సైలెంట్ గా సాగిపోతున్నా  వారి ప్రేమ మీద సుదీప్ కన్నుపడుతుంది. పెద్ద వ్యాపారవేత్త అయిన సుదీప్ అమ్మాయిలను ట్రాప్ చేయటంలో సిద్దహస్తుడు. అలాంటిది  బిందు తనని ఇష్టపడకుండ నానిని ప్రేమిస్తుందని తెలిసి అక్కసుతో అతణ్ణి  చంపేస్తాడు సుదీప్. బిందు మీద ప్రేమతో సుదేప్ నుండి ఆమెను రక్షించటానికి 'ఈగ' లా మళ్ళి  పుడతాడు నాని. గతం గుర్తుచేసుకున్నా ఈగ సుదీప్ మీద పగ తీర్చుకోవటానికి సిద్దం అయ్యి అతడిని ముప్పతిప్పలు పెడుతుంది. తనను ఇబ్బంది పెడుతున్న ఈగ గురించి తెలుసుకుని దానిని ఎదుర్కునే ప్రయత్నాలు మొదలుపెడతాడు సుదీప్. అలా ఓ దుర్మార్గుడైన మనిషికి , మంచి ఈగ కు మద్య జరిగిన పోరాటంలో చివరికి ఈగ ఎలా గెలిచింది అన్నది  మిగిలిన కధ.

విశ్లేషణ :
ఈగ సినిమా విశ్లేషణ గురించి చేప్పటం అంటే అ సినిమాలో ఉన్న విశేషాలను పూసగుచ్చటం అవుతుంది తప్పా .. విమర్శించటం కుదరదు . ఎందుకంటే అన్ని పాజిటివ్ విశేషాలు ఉన్నాయి ఈ సినిమాలో...! ఈగ  జనాలు తన మీద పెంచుకున్న అంచనాలు అందుకుంది అనేకంటే చాల మంది అనుమానాలను నివృత్తి చేసి అంచనాలను మించిపోయిందని చెప్పవచ్చు. రాజమౌళి ఈ సినిమాను చిన్నగా మొదలు  పెట్టి ఇంత  పెద్దగా  ఎందుకు చేయవలసి వచ్చిందో......సినిమా చుస్తే అర్ధం అవుతుంది. సినిమా ప్రతి ఫ్రేమ్ లో ఆయన శ్రమ కనపడుతుంది, ప్రతి సన్నివేశంలోనూ అయన శ్రద్ద కనపడుతుంది , కధగమనంలో ప్రతి కీలకమైన మలుపు దగ్గర రాజమౌళి మార్క్ ఎమోషన్ కనపడుతుంది, మొత్తంగా సినిమా అంత రాజమౌళి సృష్టించిన మాయజలంలా అనిపిస్తుంది. ఇంతవరకు రాజమౌళికి ఫ్లాప్ ఎందుకు రాలేదు అంటే.... ఇందుకు..! అని ఈ సినిమాను చూపించవచ్చు. ఎందుకంటే ఈగను ప్రధాన పాత్రగా చేసుకుని ఇంత ఎంటర్టైన్మెంట్ సృష్టించటం అంటే మాటలు కాదు. దర్శకుడిగా అతనికున్నా స్టామినా ... టేకింగ్ మీద అతనికున్నా పోటన్షియాలిటి... సినిమా మీద అతనికి ఉన్నా ప్యాషన్ ఈగ తో మరోసారి నిరూపితం అయింది.ఇంత దృడంగా ఉన్న రాజమౌళి ఎప్పటికి ఫ్లాప్ సినిమా తియ్యలేడు  అని కన్ఫర్మ్ అయింది ఈగతో...!
ఈ సినిమా  గురించి చేప్పుకోవాలంటే ఇది ఒక స్వీట్ అండ్ మెమరబుల్ రివెంజ్ స్టోరి. ఈగ ఏమిచేస్తుంది ..? అని మనం ఆలోచిస్తే ... మన ఊహకు అందేది చాల తక్కువ. కాని ఈగ ఏమి చేయగలదు ..?అని రాజమౌళి ఆలోచించిన విధంలో.... తలచుకుంటే ఈగ ఒక మనిషిని చంపగలదు అని అర్ధం అవుతుంది అది కూడా బోల్డంత వినోదాత్మకంగా...!

 ఈగ చాల సింపుల్ గా మొదలవుతుంది. హీరో హీరోయిన్ మద్య లవ్, విలన్ ఇంట్రడక్షన్ ఇలా   సో... సో... సీన్స్ తో సినిమా నడుస్తూ ఉంటుంది. అరగంట తరవాత హీరో చావుతో పెద్ద మలుపు.... ఆ తరవాత అంటే 37 వ నిమిషంలో ఈగ ఎంటర్ అవుతుంది. అక్కడి నుండి అసలు జాతర మొదలవుతుంది. ఈగ పుట్టడం , ఉనికిని కాపాడుకోవటం , విలన్ని గుర్తించటం , టార్గెట్ ఫిక్స్ చేసుకోవటం మొదలైనవి జరుగుతున్నంత సేపు సినిమా తో ఏదో కనెక్ట్  అయ్యి అవనట్టు ఉన్న  ప్రేక్షకులు  ఇంటర్వెల్ బ్యాంగ్ గా ఈగ విలన్ కి అల్టిమేటం ఇవ్వటం తో ఫిదా  అయిపోతారు. ఆ ఫై రెండో సగం ఊహించని ఆసక్తికరమైన సన్నివేశాలతో రేసిగా నడిచి మినింగ్ ఫుల్ క్లైమక్స్ తో సంతృప్తికరంగా ముగుస్తుంది. ఈ సినిమాలో ప్రేమ ఉంది , సెంటిమెంట్ ఉంది, పగ ఉంది , ప్రతికారం  ఉంది.. అన్నిటికి మించి రాజమౌళి నుండి ఓ సామాన్య ప్రేక్షకుడు ఏమి ఆశిస్తాడో అవన్నీ  ఈ సినిమాలో  ఉంటాయి ఒక్క రొమాన్స్ తప్పా. ఈగ మీద రాజమౌళి చేసిన రిసెర్చ్ చాల వరకు సినిమాలో లాజిక్ మిస్ అవ్వకుండా కాపాడింది. ఈగ రివెంజ్ తేర్చుకునే క్రమంలో కొంత లాజిక్ తప్పింది.  కానీ అది పెద్ద లోపంగా  కనిపించదు. మొత్తంగా ఈగ అన్ని వర్గాల ప్రేక్షకులను తప్పక అలరిస్తుంది అని నమ్మకంగా చెప్పవచ్చు. 

ఈగ గురించి గోప్పగా చెప్పాలంటే దానిని ఊహించిన రాజమౌళి ని అలానే  దానిని సృష్టించిన మకుట టీం ను పొగిడితే సరిపోతుంది. అరె.... ఏమ్ చేస్త్రి  ...ఏమ్ చేస్త్రి .....ఈగ కమ్యునికేట్ చేయటం , ఈగ ఎక్స్ ప్రేషన్స్  ఇవ్వటం, ఈగ డాన్సు చేయటం , ఈగ ఫైట్ చేయటం, వయబ్బ....  ఒకటేమిటి సందడి సందడి చేసింది. ఈగ ఎపిసోడ్స్ వరకు దాదాపు అన్ని సన్నీ వేశాలు  చాల అద్బుతంగా వచ్చాయి. విజువల్  ఎఫెక్ట్స్ వినియోగంలో ఈగ ఓ కొత్త బెంచ్ మార్క్ ను క్రియేట్ చేసిందని చెప్పవచ్చు.  ఈగ కంప్యూటర్ యానిమేటెడే అయిన దానిని రాజమౌళి కధలో ఇన్ వోల్వ్ చేసిన విధానం అపూర్వం. రాజమౌళి,మకుట  శ్రమకు సెంథిల్ కుమార్ సినిమాటోగ్రఫీ చాల కళ తీసుకువచ్చింది. ముఖ్యంగా క్లైమాక్స్ లో సెంథిల్ మంచి ప్రతిభ కనపరిచాడు. వీటి తరవాత సినిమాకు జీవం కీరవాణి బ్యాక్ స్కోరు, ఎప్పటిలానే  అయన తనదైన శైలిలో ఆకట్టుకున్నాడు.నిర్మాణాత్మక విలువలు ఉన్నతంగా ఉన్నాయి.

అభినయం:
నటన  పరంగా ఈగ తరవాత చాల గ్రేట్ గా చేప్పవలసింది కిచ్చ గురించి. కిచ్చ  సుదీప్ ఈ సినిమాలో పిచ్చ పిచ్చగా నటించి మతిపోగోట్టాడు. ముఖ్యంగా కిచ్చ చూపు సూపర్. చూపులతోనే సగం నటించేస్తాడు. మంచి ఫిజిక్ తో ఆదరగోట్టే  బాడీ లాంగ్వేజ్ తో బాగా నటించాడు. ఈగకు కిచ్చాకు మద్య పండిన యంటి కెమిస్ట్రీ  గురించి చెప్పటం కాదు చూసి తీరాలి. సమంతా  ఒక మాములు పాత్రలో కనిపించింది. ఓకే అనిపించింది కాని పెద్దగా ఆకట్టుకోలేదు. నాని కనిపించిన కాసేపు తాను చేసే మాయ తను చేసి తన ప్రేజేన్స్ ను తెలియజేసాడు. ఉన్నంతలో  బాగా నటించాడు కూడా . మిగత నటులు వారి పత్రాల కనుగుణంగా బాగానే చేసారు.

ప్లస్ పాయింట్స్ :
ఈగ చేసే సందడి , రాజమౌళి దర్శకత్వం , విజువల్ ఎఫెక్ట్స్ , సుదీప్  నటన, కీరవాణి బ్యాక్ స్కోరు ప్రధానంగా ఈ సినిమాకు ప్లస్ పాయింట్స్

మైనస్ పాయింట్స్ :
పెద్దగా  చేపుకోవల్సినవి లేవు కాని కామెడీ లేక పోవటం కొంతవరకు లోటు అని చేప్పుకోవచ్చు.

కొసమెరుపు :
చివరిగా కొసమెరుపు అనే కంటే  ఒక సలహా అనుకోవటం మంచిది . ఈగ మనిషిని చంపటం అనేదే లాజిక్ కు దూరం ఉండే విషయం. అందుకని వేరే లాజిక్ గురించి ఆలోచించకుండా సినిమాను చుస్తే సూపర్ గా ఎంజాయ్ చేస్తారు.

అలానే ఒక సూచన.... ఈగలతో జాగ్రతగా ఉండండి వాటిని  తక్కువ  అంచనా వేయవద్దు..... ఎందుకు...? ఏమిటి..? అని తెలుసుకోవాలంటే వెంటనే ఈగ సినిమాకు టికెట్ బుక్ చేసుకోండి... అలానే వెళ్ళేపుడు పిల్లల్ని తప్పాకుండా తీసుకు వెళ్ళండి..!

Maruthi Talkies Rating : 3.5 out of 5 





 

Second half hurdle for 'Eega'

గోరంతలో చేద్దామని మొదలు పెట్టి కొండంతగా చేసి రాజమౌళి చూపెట్టబోతున్న 'ఈగ' ఇంటా బయట తెగ గోల పెడుతుంది. తెలుగు వాళ్ళు తినందే రుచి చెప్పలేం అన్నట్టు ఆశగా ఈ సినిమా కోసం ఎదురుచూస్తుంటే....... అరవోళ్ళు (తమిళం) వాసన చూసే సినిమా రుచిపట్టినట్టు విడుదల కోసం తహ తహ లాడిపోతున్నారు . తెలుగు నిర్మాతలు బింకం ప్రదర్శించి 'ఈగ' వ్యాపార లావాదేవిలను మనసులోనే దాచుకుంటుంటే .. తమిళంలో నాన్.. ఈ ఈపాటికే పెట్టుబడి రాబట్టుకుని లాభాల బాట పట్టిందని సమాచారం. ప్రచారం విషయం లో కూడా తెలుగులో కంటే తమిళంలోనే కొత్త పోకడలకు పోయారని వినిపిస్తుంది.

ప్రచారం విషయం లో రాజమౌళి కూడా ఎప్పటిలానే తన ప్లాన్ ప్రకారం సినిమాకు కావలసినంత పబ్లిసిటీ తీసుకువచ్చాడు. అలానే సినిమా కంటెంట్ , ట్రైలర్స్, పాటలు మొదలైన వాటిని చూసి సినిమా దాదాపు హిట్ అని ఖాయం చేశారు.  కాకపోతే హీరో కాని, అతని ఉనికి కాని  లేని సినిమాలను చిన్న పిల్లల సినిమాలుగా లెక్క కట్టే సో కాల్డ్ మాస్ జనం ( వీరే రాజమౌళి ని అమితంగా ఇష్టపడే వాళ్ళు) ఏ విధంగా ప్రతిస్పందిస్తారు అన్న దాని మీదే ఈగ సక్సెస్ రేంజ్ ఆధార పడిఉంది.

అంతే  కాదు ఈ సినిమా సక్సెస్ రేంజ్ ను అడ్డుకునే  మరో అడ్డంకి  కూడా ఉన్నట్టు అభిజ్ఞాన వర్గాల భోగట్టా ..! అదేమంటే సినిమా రెండో సగం. సెకండ్ హాఫ్ కొద్దిగా సాగాతీసినట్టు ఉండి .. బోర్ కొట్టించిందని అనధికార వర్గాల సమాచారం. ఈ వార్తలో కొంత నిజం ఉండే ఆస్కారం ఉంది ఎందుకంటే రాజమౌళి గత చిత్రాలు కొన్నిటిలో ఈ లోపం కనపడుతుంది. ఈ లోపమే ఛత్రపతి , యమ దొంగ వంటి చిత్రాల సక్సెస్ రేంజ్ ను తగ్గించింది. ఈ లోపం లేకుండా జాగ్రత్తపడిన మగధీర రికార్డులను అందుకోవటం మిగతావారికి  ఇప్పటికి కష్టంగానే ఉంది.

ఇప్పుడు కధ  పరంగా చూసుకుంటే 'ఈగ' లో సెకండ్ హాఫ్ గండం ఉండే అవకాశాలు .కనపడుతున్నాయి. ఎందుకంటే సినిమా పాయింట్  చాల చిన్నది. హీరో ప్రేమించిన అమ్మాయిని దక్కించుకోవటం కోసం అతన్ని చంపేసిన విలన్ ఫై పగ తీర్చుకోవటానికి ఈగ లాగ పుట్టి విలన్ని మట్టు పెట్టటం కధ. దర్శకుడు రాజమౌళి చెప్పిన దాని ప్రకారం హీరో నాని 20 నిముషాలు మాత్రమే కనపడతాడు. అంటే నాని వెళ్ళగానే ఈగ ఎంటర్ అవుతుంది.. ఆ ఫై ఈగ విలన్ని ముప్పు తిప్పలు పెట్టటం ... దాని గురించి తెలుసుకున్న విలన్ ఈగ కు కౌంటర్ ఇవ్వటం ... వాటిని ఎదుర్కుని ఈగ విలన్ని చంపటం. ఈ క్రమంలో ఈగ విలన్ని ఇరిటేట్ చేసి ఎపిసోడ్స్ కాని, విలన్ కౌంటర్స్ కాని చాల తెలివిగా, గొప్ప ఎంటర్టైన్ గా ఉండాలి. ఆ ప్రాసెస్ లో విలన్ ఈగకు ఇచ్చే కౌంటర్ ఎపిసోడ్స్ కొంత లాగ్ అయినట్టు వినిపిస్తుంది. అది సినిమా విజయానికి కొంత గండి కొట్టే అవకాశం ఉన్నట్టు తెలుస్తుంది. ఇది మహా అయితే ఒక మనిషి అబిప్రాయం కావొచ్చు. సినిమా విజయాన్ని నిర్దేశించేది కొన్ని లక్షల మంది అబిప్రాయం. అందుకని 'ఈగ కు సెకండ్ హాఫ్ గండం' అన్న వార్తలో ఎంత నిజం ఉందొ తెలియాలంటే జూలై 6 వరకు వేచి .చూడాల్సిందే....! 

Where is Brammi...?

బ్రమ్మి ...ఎక్కడ..? బ్రమ్మి ఎక్కడా బాబు ..? ఇదేంటి ఇలా  అడుగుతున్నాను అని.... వాళ్ళింట్లో ఉంటాడు అని కొంటె సమాధానం చెప్పొద్దూ ... నేను ఏడవలేక నవ్వాలి. ఇక్కడ ప్రశ్న మన బ్రమ్మి ఇంట్లో ఉన్నాడో...ఊరేళ్ళాడో అన్నదాని గురించి కాదు.... పటం (అరవంలో 'సినిమా'ను 'పటం' అంటారులే..!)లో  మేస్టారు ఎక్కడా అని...? ఇప్పటికే వందల్లో సినిమాలు చేసి గిన్నిస్ బుక్ మీద గిన్నేసుకుని కూర్చున్నాడు... అలానే రోజుకు రెండు మూడు సినిమాలకు కాల్ షీట్లిస్తూ యమ బిజీగా ఉంటాడు .... అంతే కాకుండా నెలకు అయన నటించిన సినిమాలు మూడు నాలుగు విడుదల అవుతాయి..అలాంటిది ఏంటీ ప్రశ్న అని  తికమక పడొద్దు.... మీ కంగారుకు కంటిన్యుషన్ ఇవ్వకుండా అసలు విషయంలోకి వచ్చేస్తున్నా ..!

ఫైన చెప్పినట్టు ఎప్పుడు బిజీగా ఉండే బ్రమ్మి ఏదైనా ఓ పెద్ద సినిమాలో కనిపించలేదు అంటే ఆలోచించవలసిందే ..! ఎందుకంటే బ్రమ్మి  లేకుండా ఈ మద్య తెలుగులో పెద్ద హీరోల సినిమాలు చాల అరుదుగా వస్తున్నాయి. అలాంటిది ఈ మద్య విడుదల అయిన అల్లు అర్జున్ 'జులాయి ' ట్రైలర్ లో బ్రమ్మి కనిపించలేదు. అంటే... ఈ సినిమాలో బ్రమ్మి ఉన్నట్టా... లేనట్టా..? లేడు  అనుకుంటే బ్రమ్మి జులాయి ఆడియో ఫంక్షన్ కు ఎందుకు వచ్చినట్టు...? కాదు ఉన్నాడే అనుకుందాం.. ఉంటే  ట్రైలర్ లో ఎందుకు కనిపించలేదు...?   ట్రైలర్ లో చోటు సరిపోలేదా ..? లేక సినిమాలో చోటు తక్కువ ఇచ్చారా...? అనేది తెలియాల్సిఉంది.

అనధికార వర్గాలు  'జులాయి' లో బ్రమ్మి ఓ మంచి పాత్రలో కనిపిస్తాడు అని చెబుతున్నప్పటికీ  సినిమా ప్రచారంలో బ్రమ్మిని వాడుకోకపోవటం అనుమానాలకు తావిస్తుంది. మాటల  ఖజానా త్రివిక్రమ్ తన సినిమాలో బ్రమ్మి కోసం తప్పకుండా  ఓ మంచి పాత్ర వ్రాస్తాడు... ఈ సినిమాలో కూడా కొత్త బ్రమ్మిని చూపిస్తాడు అని అయన  అభిమానులు  ఆకాంక్షిస్తున్నారు. ఏది ఏమైనా నిజం నిలకడ మీద తేలాల్సిందే...! ఆ నిలకడ కోసం జూలై 13 వరకు ఆగాల్సిందే...!

Julayi Trailer