మహాజనానికి మరదలు పిల్లగా శ్రేయ

హీరోయిన్ అనిపించుకోవాలంటే ఎదో ఒక సినిమాలో హీరో పక్కన కనిపిస్తే చాలు హీరోయిన్ అనే అంటారు. కాని నటి అనిపించుకోవాలంటే మాత్రం మంచి కధ , మంచి పాత్ర ఇలా చాలా  విషయాలు కలసి రావాలి. గృహిణి, ప్రియురాలు వంటి రొటీన్ పాత్రలు కాకుండా భిన్నామైన పాత్రలలో రాణించగలిగినప్పుడే నటిగా ప్రత్యేకమైన గుర్తింపు సంపాయించుకోగలుగుతారు. అలాంటి బిన్నమైన పాత్రలలో మహాజనానికి మరదలు పిల్ల అంటే వ్యభిచారి పాత్ర కూడా ఒకటి. 

కన్యాశుల్కం లో మధురవాణి గా మహానటి సావిత్రి నట చాతుర్యాన్ని ఎంత పొగిడినా తక్కువే...! ఆ తరవాత జయసుధ, మాధవి వంటి వారు ఆ పాత్రను ఏంతో  వైవిద్యంగా పోషించి పేరు గడించారు. 1990 వరకు సామజిక అంశాలను స్పృశించే దర్శకులు వ్యభిచారి పాత్రకు కొంత ప్రాధాన్యత ఇచ్చారు. కాని 1993 లో సిల్క్ స్మిత 'బావలు సైయ్యా ..!' అంటూ చేసిన హడావిడి తరవాత ఆ పాత్ర ఐటెం పాటలకు, విలన్ పక్కన వాంప్ గా మాత్రమే ఎక్కువగా కనిపించటం మొదలు పెట్టింది. 90 ల తరవాత పేరున్న నటిమణులు వ్యభిచారిగా నటించిన దాఖలాలు గుర్తుంచుకునేట్టు లేవు. మళ్ళి 2010 లో వేదం చిత్రంలో అనుష్క వేశ్యగా నటించి తెలుగు, తమిళల్లో మంచి గుర్తింపు తెచ్చుకుంది. దాంతో ఇప్పుడు ఆ పాత్రకు కొంత ప్రాముఖ్యం ఏర్పడింది. 

ఫామ్ లో ఉన్నప్పుడు గ్లామర్ తో నెట్టు కొచ్చిన హీరోయిన్ లు అది కాస్త తగ్గగానే నటిగా నిరూపించుకునే అవకాశాలను  వెతుక్కుంటూ వెళ్తున్నారు. అనుష్కను చూసి ఛార్మి మొదలు పెడితే ఇక ఇప్పుడు శ్రేయ వంతు..! ఆ మద్య ఓ బెంగాలీ చిత్రంలో వేశ్యగా దిగంబరంగా నటించటానికి ఒప్పుకుంది అని ప్రచారం జరిగిందిగాని... దానికి సంబందించిన ప్రోగ్రెస్ ఏమిటో ఇప్పుడు తెలియకుంది. అదలా ఉంచితే ఓ తెలుగు సినిమాలో శ్రేయ వ్యభిచారిగా నటించటానికి పూనుకుంది అని, సినిమాకు 'పవిత్ర' అని పేరు పెట్టారని   ఫిలింనగర్ లో గుసగుసలు వినపడుతున్నాయి. రచయతగా లాంగ్ ఇన్నింగ్స్ ఆడుతూ ఈ మధ్యే దర్శకుడిగా అవతారం ఎత్తిన జనార్ధన మహర్షి ఈ సినిమాను రుపొందిస్తున్నాడని తెలుస్తుంది.

ఈ సినిమా ఒక టాప్ రేటెడ్ హై క్లాసు వేశ్య జీవిత కధ అని, అందులో అసభ్యతకు తావుండదని పూర్తీ కళాత్మకంగా తెరకేక్కిస్తారని భోగట్టా...! ఇంటర్నెట్ లో హాట్ ఫొటోలతో జనాలకి పిచ్చెక్కిస్తున్న శ్రేయ అంతే బోల్డ్ గా ఈ సినిమాలో కనిపించాలని ఆమె అందాలను అభిమానించే ఆరాధకులు ఆశపడుతున్నారు. అలానే ఈ సినిమా రూమర్స్ లో పూట్టి గాలిలో కలిసిపోకుండా వెండితెర మీద విందు కావాలని మొక్కులు మొక్కుతున్నారు. ఇక ఏమి జరుగుతుంది అనేది కాలమే నిర్ణయించాలి...!